Epaimahaiari arau hau aplikatzeko eskatu nahi dioten izangaiek desgaitasuna duten pertsonentzako sarbide-modalitatean parte hartu behar dute, eta esleipen-prozesuan lanpostu bat esleitu beharko zaie.
Eskaera hori mendetasun-arrazoietan, mugitzeko zailtasunetan edo antzekoetan oinarritu beharko da.
- Lanpostuak hautatzeko izapidean, honako hauek egin beharko dituzte:
- Lanpostuak aukeratzeko lehentasun-ordena aldatzeko araua aplikatzeko eskaera aurkeztea, lehentasunez zer lanpostu-mota esleitzea eskatzen duten zehaztuta (lantoki zehatza, herria, etab.).
- Eskaera bermatzen duten mugikortasun- edo mendekotasun-arrazoien frogagiriak aurkeztea (foru-aldundietako sail eskudunaren txostena, IMSERSO edo baliokidea).
- Lanpostuak aukeratzeko lehen tokietan eskatutako baldintzak (HE, etab.) betetzen dituzten eta eskatzen duten esleipen-lehentasunaren ezaugarriekin bat datozen eskainitako lanpostu guztiak eskatzea. Bi prozesuetatik (berezia eta salbuespenezkoa) lanpostuak hautatzeko deitzen badizute, lehen tokietan eskatu behar dituzu bi deialdietako ezaugarri horiek dituzten lanpostu guztiak. Nolanahi ere, eskainitako lanpostu guztiak eskatzea gomendatzen da beti.