Baionako Euskal Museoa itxi dute aldi baterako, pipiak jota dagoelako
Baionako Euskal Museoaren kanpoaldearen irudia. Argazkia: visitbayonne.com
- Urtarrilaren 6tik martxoaren 21era arte egongo da itxita, museoaren bildumetan kalte nabarmenak eragin ditzaketen intsektu horien aurkako tratamendua egiteko
Baionako Euskal Museoak iragarri du ateak aldi baterako itxi behar, pipiak jota dagoelako. Museoa urtarrilaren 6tik martxoaren 21era arte egongo da itxita, eta tarte horretan tratamendu espezializatua egingo dute izurri hori desagerrarazteko eta kaltetutako objektuak babesten direla bermatzeko.