Argazkia: Mireia Massagué, Chillida Lekuko zuzendaria, eta Mikel Chillida, eskultorearen biloba eta Chillida Lekuko garapen zuzendaria, Tolerantziaren Monumentuaren aurrean, Eduardo Chillidaren eskultura publikoa, 1992an Sevillan jarria

• Eduardo Chillidaren proiekturik anbiziotsuenari emandako saria haren obrari eta ondare hilezkorrari egindako errekonozimendua da

• Chillida Leku erabateko lana da, non artearen eta naturaren arteko fusioa modu naturalean gertatzen den

Chillida Lekuk Arte Ederretako Merituaren Urrezko Domina jaso du asteazken honetan, Kultura Ministerioak kulturako hainbat pertsona eta erakunderi urtero ematen diena. Ministroen Kontseiluak urtarrilaren 9an onartu zuen sari hori, eta museoa "artelan handi" gisa aintzatesten du, "artearen eta naturaren arteko fusioa modu naturalean egiten duen artelan handi" gisa.

Eduardo Chillidaren proiektu intimo eta anbiziotsuenari ematen zaion kondekorazio hori, halaber, "eskultorearen balio, filosofia eta ondare hilezkorraren aitorpena da. Horrek Chillida Lekuko talde osoa animatzen du bere obraren hedapenean eta kontserbazioan lanean jarraitzera", dio Mireia Massagué Chillida Lekuko zuzendariak.

Chillida Leku toki paregabea da eta eskulturak paisaian integratzen dira bertan. Artelanek monumentaltasun itxura badute ere, lekua giza eskalan pentsatuta dago, artistak lan egin zuen eskala berean, pertsona bere lanaren neurri gisa jarriz.

"Aitaren jaiotzaren lehen mendeurrena ospatzen dugun urte berean sari hau jasotzea inoiz imajinatuko ez genukeen zerbait da. Eta Sevillan, Tolerantziaren Monumentua dagoen hirian, egiteak Eduardo Chillidaren obra publikoa mundu osoko hainbat hiriren topaleku bihurtu dela gogorarazteko balio digu", dio Luis Chillidak, artistaren seme eta Eduardo Chillida-Pilar Belzunce Fundazioko presidenteak. Osagarri artistikoaz gain, "familiarentzat omenaldia da, ez bakarrik nire aitari, baizik eta baita nire amari ere, Pilar Belzunceri, elkarrekin arduratu baitziren Chillida Lekuren zaharberritzeaz eta egokitzapenaz hamabost urte baino gehiagoz".

Museoa espazio ireki handi gisa pentsatuta dago, eta modu desberdinetan zeharkatu daitekeenez, ez daude bi bisita berdin. Artistaren filosofiari jarraituz, bisitariak espazio artistiko horretan barrena egin dezake, bere intuizioak gidatuta, obren "lurrinari" jarraituz, Chillidak bere lan-prozesuari erreferentzia egiteko erabiltzen zuen termino poetikoari helduz: "Lurrin batek gidatua".

"Arte Ederren Urrezko Domina ez da museoan egunero egiten dugun lanaren saria bakarrik, elkargune, batasunerako eta adiskidetasunerako gune eta Eduardo Chillidaren ibilbidea markatu zuten balioak biltzen dituen lanarena ere bada", azpimarratu du Mikel Chillidak, eskultorearen biloba eta Chillida Lekuren garapen zuzendariak.

Amaitzeko, "Chillida Leku inspirazio artistikorako itsasargi bihurtzen lagundu duten guztiei eta gure bisitariei eskaintzen diegu domina, haien artearekiko zaletasunak eta estimuak gure lana biziki pozgarria egiten baitute", adierazi du Mireia Massaguek.