• 20:00etatik aurrera hasiko da ekitaldia (sarrera doakoa da, harik eta edukiera osatu arte), musikan eta beste diziplina artistiko batzuetan emakumeen talentua sustatzeko udal-programaren hirugarren edizioaren barruan

• Bilboko Udalaren apustua da gazteek, taldeek eta artistek beren prestakuntza hobetuko duten tresnak eskura ditzatela eta beren ibilbide artistikoa ikusarazteko eta sustatzeko espazio bat izan dezatela

Bilboko Udalak Bilborocken udazkeneko programazioa estreinatu du, ahal zenik eta abiapuntutik onenarekin. Udal ekipamendu honek doako ekitaldi bat hartuko du datorren larunbatean, urriak 19, 20:00etatik aurrera, FEMMEren edizio berri bat abiatzeko: emakumeen talentua musikan eta beste diziplina artistiko batzuetan sustatzeko udal programa.Programazio berrian, Bilborock gazteentzako ekintzailetza-laborategi bat da musikaren, kulturaren eta sorkuntzaren industriaren esparruan. 

Sortu zenetik, FEMME 90 parte-hartzaile baino gehiago dituen artista-komunitate gisa egonkortu da. Larunbat honetako ekitaldian Berta Vittersweet artista egongo da, eta bideo batek lagunduta aurkeztuko du programa.    Ondoren, bi solasaldi egingo dira honako parte-hartzaile hauekin: Maider Legarreta (kantautorea), Almudena (2 Villanas), Lena Makana (kantaria eta konpositorea), Myriam Ariana (kazetaria eta argazkilaria), Daniela Bartolomé (poeta eta aktorea), Lucía Vittoria (argazkilaria eta sorkuntza-zuzendaria), Bihotza (DJa eta programatzailea), Pilar Muzsi (zeramikaria), María Vaquerizo (abeslaria) eta Mar Márquez (abeslaria eta sortzailea).  Euren karreretako erronkei buruz, emakumeen ahalduntzearen garrantziaz, eta euren erreferente eta inspirazioez hitz egingo dute.

Jarraitu irakurtzen