Pablo Hernandok Sitgeseko jaialdian aurkeztuko du "Una ballena"
- Gasteiztar zinemagilearen pelikulak Ingrid García-Jonsson eta Ramón Barea ditu protagonista, eta Sail Ofizialean proiektatuko dute Kataluniako jaialdian
Pablo Hernando gasteiztar zuzendariak (Cabas, Berserker) Zinema Fantastikoaren Kataluniako Nazioarteko Jaialdiaren 57. edizioko Sail Ofizialean estreinatuko du Una ballena film luzea. Urriaren 3tik 13ra egingo dute zinema jaialdia, Bartzelonako udalerrian.
Ingrid García-Jonsson da EITBren parte-hartzea duen filmeko protagonista: soldatapeko hiltzaile beldurgarria da, etsaiaren inguruan sartu eta arrastorik utzi gabe ihes egiteko ahalmena duena. Baina botere hori kanpoko mundu batetik datorkio, izaki izugarriak bizi diren bizitoki batetik, eta gizatasuna agortzen doakio. Antzeztaldean, Ramón Barea eta Kepa Errasti ere badaude, besteak beste.