Deialdi honen helburua da proiektu artistikoen garapena babestea, edozein formatutan eta diziplina artistikoa alde batera utzita; eta, era berean, tokiko sare artistikoa indartzea eta komunitate artistikoen arteko trukea sustatzea.

Deialdian parte hartu ahal izango dute Euskal Autonomia Erkidegoan bizi diren artista edo eragile kulturalak, bai eta Estatukoak eta nazioartekoak ere. Aurkeztutako proiektu guztietatik hiru proposamen aukeratuko dira. 

Egonaldiak hamaika asteko iraupena izango du eta arte-proiektua garatzeko lekua, testuingurua eta denbora eskainiko ditu. Egonaldia 2025eko urtarrilaren 7a eta martxoaren 23a bitartean burutuko da.

• Oinarriak (PDF - 1,17 MB)
• Bidali zure proposamena