Etxepare Euskal Institutuaren lan-ildo nagusietako bat euskal literatura nazioartean sustatzea da. Dirulaguntza honen bidez euskal literatura lanen itzulpena sustatzen dugu, euskal idazleak eta hauen lanak nazioarteko merkatuan zabaltzen laguntzeko.

Honako itzulpen-jarduerak laguntzen dira diruz:

• Jatorriz euskaraz idatzi eta argitaratutako literatura-lanak edozein hizkuntzatara itzultzea.
• Euskal Autonomia Erkidegoan erroldatutako idazleek jatorriz gaztelaniaz idatzi eta argitaratutako literatura-lanak euskara ez den beste edozein hizkuntzatara itzultzea.
• Argitaletxeentzako edizio eta sustapen gastuak.

Kontaktua: Kizkitza Galartza Arregi | k-galartza@etxepare.eus | 943023409.

Informazio guztia eta izen ematea Eusko Jaurlaritzaren Egoitza Elektronikoan.