Zinemarako sarrerak, 3,5 euroan Hegoaldeko zinemetan
Patricia Lopez Arnaiz, 'Nina'n, zinemetan ikusgai dagoen pelikuletako batean
- Ekainaren 3, 4, 5 eta 6an egingo dute Zinemaren Jaia, eta, besteak beste, Furiosa: de la saga Mad Max, Hit Man: Asesino por casualidad eta Nina egongo dira ikusgai
Zinemako sarrerak 3,5 euroan erosi ahalko dira gaurtik ostegunera, hilaren 3tik 6ra, Araba, Bizkai, Gipuzkoa eta Nafarroako zinema askotan, Zinemaren Jaia ospatzen dela eta.
Aurreko edizioaz geroztik bezala, gainera, ez da izena eman behar izango prezio berezia baliatzeko, eta nahikoa izango da ekimenarekin bat egin duten zinema aretoetako txarteldegietara joatea, edozein egunetan bezala.