Sorkuntza artistikora bideratutako "Egile" sariak emateko 2024ko deialdia.

Eman beharreko sariak eta horien kopurua 2024ko deialdian.

Deialdi honetan 5.000 euroko 20 sari emango dira honako arloetan banatuko direnak:

- Literatura eta grafikoaren arloan: guztira, 5.000 euroko 8 sari.

- Eduki digitalen arloan: guztira 5.000 euroko 2 sari.

- Arte eszenikoen arloan: guztira 5.000 euroko 4 sari.

- Plastikako eta ikusmen arteko arloan: 5.000 euroko 6 sari.

Proiektuak lurraldeko bi hizkuntza ofizialetako edozeinetan egin ahal izango dira, hau da, euskaraz edo gaztelaniaz.

Arlo bakoitzeko beken kopurua handitu ahal izango da arlo batean soberakinak badaude.

Sariak eskatzeko baldintzak

Sari horiek eskatzeko, ezinbestekoa izango da eskatzailea deialdian jasotako arte arloren batean sorkuntza-proiektu bat egin behar duen pertsona fisikoa izatea. Deialdiari dagokion urteko urtarrilaren 1ean adinez nagusia izatea eta Gipuzkoan gutxienez 5 urtez bizi izana deialdia onartu aurreko 10 urteetan.

Ezingo dira oinarri hauetan araututako dirulaguntzen onuradun izan martxoaren 27ko 3/2007 Foru Arauak, Gipuzkoako Lurralde Historikoko dirulaguntzei buruzkoak, 12. artikuluan aurreikusten duen egoeraren batean dauden pertsona edo erakundeak, ez eta martxoaren 16ko 1/2023 Legegintzako Dekretua, emakumeen eta gizonen berdintasunerako eta emakumeen aurkako indarkeria matxistarik gabe bizitzeko Legearen testu bategina onartzen duen ezartzen duen sexu diskriminazioa egiteagatik desgaikuntza edo lege debeku kasuren batean daudenak ere.

Onuradun izaera lortzeko debekuetan sarturik ez egoteari buruzko egiaztapena egin dezakete pertsonek edo erakundeek lekukotza judizialaren bidez edo ziurtagiri bidez, kasuen arabera, eta agiri horiek eskuratu ezin direnean, ordeztu daitezke herri administrazio baten edota notario baten aurrean egindako aitorpenaren bitartez.

Pertsona eta erakunde eskatzaileek egunean izan beharko dituzte zerga betebeharrak eta Gizarte Segurantzarekikoak. Dirulaguntzak kudeatzen dituen organoak egingo du egiaztapena, eta, horretarako, aipatutako datuak zuzenean bilduko ditu dirulaguntzak ematen dituzten erakundeetatik. Hori ezinezkoa bada edo pertsona edo entitate eskatzaileak horren aurka egiten badu, berak aurkeztu beharko ditu dagozkion ziurtagiriak.

• Deialdia