Patxi Buldain margolari abangoardista nafarra hil da, 97 urte zituela
Patxi Bouldain artista, artxiboko irudi batean. Argazkia: EITB MEDIA
- Uharten jaioa, diziplina anitzeko artista izan zen Buldain. Frantziako lehen abangoardiak izan ziren bere iturri nagusiak; izan ere, Parisen egin zituen Arte ikasketak, eta han landu zuen bere estiloa. Frankismoaren amaieran, Nafarroara itzuli zen behin betiko
Patxi Buldain margolari modernista (Uharte, 1927) hil da igande honetan, 97 urte zituela, EITB Mediak jakin duenez. Diziplina anitzeko artista izan zen Buldain: pintura, obra grafikoa nahiz eskultura landu zituen. Bere ibilbidean zehar, 100 erakusketa baino gehiago egin zituen, eta bereziki Frantzian egin zen ezaguna.