160 dokumental, Fipadoc jaialdiaren seigarren edizioan
Urtarrilaren 19an abiatuko da Biarritzeko jaialdia, Italia dela aurtengo gonbidatua. Lau euskal ekoizpen izango dira, hamabost sarietako batzuk irabazteko lehian
Fipadoc zinema dokumentalaren Biarritzeko nazioarteko jaialdiaren seigarren edizioa urtarrilaren 19tik 27ra egingo dute, eta 50 herrialdetako 160 dokumental izango dira bertan ikusgai. Hizpide izango diren gaien artean izango dira, besteak beste, giza eskubideen urratzeak AEBn, Kurdistanen, Ukrainan eta Txaden.
Fipadocen, gainera, Itziar Leemans, Beñat Gereka Bikuña, Iker Esteibarlanda eta Andres Salaberri euskal zinemagileek aurkeztuko dituzte dokumentalak.