Osakidetzak, hurrengo hiru asteburuetan, 2018-19ko LEPen azken probak egingo ditu
2023-01-14
- Osakidetzak jarraitzen du, asteburu honetan, 2018-2019 LEPeko hautaketa-probekin, Gabonetako etenaldiaren ondoren
- Osakidetzaren lan-eskaintza publikoak berriro ekingo die azterketei, larunbatean eta igandean; haietan, 2.897 izangai batuko dira, Vitoria-Gasteizen.
Osakidetzaren 2018-19ko LEP hautaketa-proben azken fasean sartuko da, 2023ko urtarrileko azken hiru asteburuetan. Aldi horretan izango dira Osakidetzaren 2018-19ko lan-eskaintza publikoaren azterketak amaitutzat emateko geratzen diren 20 lanbide-kategorietako azterketak.
Asteburu honetan, Vitoria-Gasteizko UPV/EHUko Elurreta Ikasgelategian izango dira 11 lanbide-kategoriatako azterketak. Proba guztiak urtarrilaren 14ko, larunbateko, eta 15eko, igandeko, goizetan izango dira, Informatikako teknikariaren kategoriakoak izan ezik, larunbat arratsaldeko 17:30ean hasiko baitira.
Deitutako pertsona kopurua kontuan hartuta, honako lanbide-kategoria hauek nabarmentzen dira: informatikako teknikaria, goi-tituluduna – letradua eta goi-mailako teknikari juridikoa eta goi-tituluduna – goi-teknikari ekonomikoa; 667, 626 eta 531 izangai dituzte, hurrenez hurren.
Deitutako plaza kopuruari dagokionez, honako hauek dira ugarienak: erradiodiagnostikoko teknikaria –32 plaza eskaini dira– eta obstetrizia eta ginekologiako mediku fakultatibo espezializatua eta goi-ingeniaria –18 eta 12 plaza deitu ditu, kategoria bakoitzean–.
Larunbatean eta igandean, guztira, 2.897 pertsonari egin zaie dei eskaintzen diren 99 plazetarako; plaza horiek 11 lanbide-kategoriatan banatuta daude.
Gaur, larunbatean, eta, bihar, igandean, egingo diren azterketen ondoren, hurrengo bi asteburuetakoak baino ez dira geratuko, amaitutzat emateko Osakidetzaren 2018-2019ko lan-eskaintza publikoaren hautaketa-probak. LEP horrek, guztira, 3.535 plaza eskaini ditu, eta bi fasetan egon da banatuta; haietako hautaketa-probak 2022an eta 2023ko urtarrilean egin dira, eta, guztira, 116.793 izangai batu dituzte.
2018-19 LEP. AZTERKETAK 2023KO URTARRILAREN 14AN ETA 15EAN. UPV/EHU-KO ELURRETA IKASGELATEGIA (VITORIA-GASTEIZ)
Data, ordua, kategoriak, deitutako plazak eta deitutako pertsonak
Data |
Ordua |
Kategoria |
Deitutako plazak |
Deitutako pertsonak |
2023/01/14 |
9:30 |
ZAINKETA ARINGARRIEN MEDIKU FE |
2 |
73 |
2023/01/14 |
9:30 |
OBSTETRIZIA ETA GINEKOLOGIAKO MEDIKU FE |
18 |
151 |
2023/01/14 |
9:30 |
IMMUNOLOGIAKO FEMT |
2 |
34 |
2023/01/14 |
9:30 |
INGENIARI TEKNIKOA |
5 |
361 |
2023/01/14 |
9:30 |
GOI-TITULUDUNA –LETRADUA ETA GOI-MAILAKO TEKNIKARI JURIDIKOA |
7 |
626 |
2023/01/14 |
17:30 |
INFORMATIKAKO TEKNIKARIA |
3 |
663 |
2023/01/15 |
9:30 |
ONKOLOGIA MEDIKOKO MEDIKU FE |
8 |
66 |
2023/01/15 |
9:30 |
ERRADIODIAGNOSTIKOKO MEDIKU FE |
32 |
121 |
2023/01/15 |
9:30 |
KSU-KO MEDIKU FE |
2 |
41 |
2023/01/15 |
9:30 |
GOI-INGENIARIA |
12 |
230 |
2023/01/15 |
9:30 |
GOI-TITULUDUNA – EKONOMIAKO GOI-MAILAKO TEKNIKARIA |
8 |
531 |
|
|
GUZTIRA 11 |
99 |
2.897 |
2018/19ko LEPeko bigarren faseko kategoria bakoitzeko proben egunari, orduari eta lekuari buruzko informazio xehatua dokumentu honetan.