- Urriaren 10eko Osasun Mentalaren Munduko Egunaren gertutasunarekin bat
VG 2023 10 05
Eusko Jaurlaritzako Berdintasun, Justizia eta Gizarte Politiketako sailburu Nerea Melgosak goraipatu egin du gaur arratsaldean ASAFES Gaixotasun Mentala duten Pertsonen eta Senideen Arabako Elkarteko langileen parte-hartzea Gasteiz On Pasabidearen XLIII edizioaren ereduen artean. Bertan, Euskadiko hiriburuko tokiko merkataritzak bere eskaintza eta joera berriak aurkezten ditu udazken-negu denboraldi honetarako.
Diego Martínez de San Vicente Gasteiz On elkarteko presidentea buru zela, Europa Jauregia izan da izaera sozial eta inklusibo nabarmeneko hitzordu baten agertokia. Jardunaldi bakoitzean, publikoak "pret a porter" modako, haurren edo osagarrien joerez eta proposamenez gozatu du, baita sortzen ari diren diseinu-sorkuntzez ere.
Urriaren 10ean ospatzen den Osasun Mentalaren Munduko Egunaren gertutasunarekin bat eginez, ASAFESeko kideak pasabidera igo dira, eredu profesionalekin batera, eta protagonismoa herritarrekin eta parte hartzen duten saltokietako bezeroekin partekatu dute, izaera sozial eta inklusibo handiagoarekin.
9 saltokik egin dituzte banakako desfileak, 25ek "joerak" atalean parte hartu dute eta sortzen ari diren 6 diseinatzaileren proposamenak ezagutarazi dira. Zuzenean ikusteko Europa Jauregira joaterik izan ez dutenek www.pasarelagasteizon.com webgunean, Gasteiz Oneko YouTubeko kanalean edo Gasteiz Oneko sare sozialetako esteketan egin dezakete.