- Hezkuntza sailburuak asteburu honetan bertan Errenterian egingo den Kilometroak 2023 ekimeneko antolakuntza-taldea hartu du
Kilometroak 2023 Gipuzkoako ikastolen aldeko jaiaren ordezkaritza bat Jokin Bildarratz Eusko Jaurlaritzako Hezkuntza sailburuarekin eta Begoña Pedrosa sailburuordearekin bildu da gaur eguerdian, datorren igandean, urriaren 1ean, Errenterian egingo den edizio berria aurkezteko.
Nekane Artola Kilometroak Elkarteko lehendakariak, Arantza Munduate Kilometroak Elkartekoako idazkariak, Anartz Muxika Orereta Ikastolako zuzendariak eta Itziar Navarro, ikastolako presidenteak "Erriola" lelopean egingo den edizioaren nondik norakoak azaldu dituzte bileran. Oiartzun ibaiaren bi ertzetan banaturiko lau gunetan banatuko da jaia –ibai horri egiten baitio erreferentzia aurtengo leloak-, Errenteria erdialdean.
Bildarratz sailburuak ekitaldiaren irekiera ekitaldian parte hartuko duela baieztatu du.