- Urtea amaitu du 1.050 milioi euroko ondarearekin eta 120 mila bazkiderekin
- Gobernantza Publiko eta Autogobernuko Sailburuak erakundearen inbertsio ahalegina azpimarratu du: Euskadin 126 milioi euro baino gehiago iaz
- Itzarrik %3,72ko UTBko urteko batez besteko errentagarritasun positiboa lortu du azken 15 urteotan, kasurik onenean UTBren %2,6 duten antzeko baldintzak dituzten sistemen aldean.
- 1.050 milioi euroko ondarearekin eta 120 mila bazkiderekin amaitu du urtea
Itzarri BGAEk 2022. urteko kudeaketa-balantzea aurkeztu du asteazken honetan, apirilaren 19an, Gasteizen, Ohiko Batzar Nagusian, eta onartu egin da. Itzarrik urtea amaitu du 1.000 milioi euroko ondarea gaindituz, eta 120.000 bazkide baino gehiago izanik. Indarra erakutsi du nazioarteko testuinguru konplexu bati aurre egiteko (inflazio tasa handiekin, finantza baldintzen gogortzearekin, Ukrainaren inbasioarekin eta COVIDen influentziarekin) eta zorroan duen eragina murrizteko. Horrela, 2022ko errentagarritasuna negatiboa izan du
(-%1,53 UTB), beste pentsio-plan guztien urteko batez besteko errentagarritasun haztatuen aldean (-%9,7 UTB). Hemezortzigarren ekitaldian 325 milioi euroko irabaziak metatu ditu bere kudeaketaren ondorioz, eta 164 milioi euro ordaindu ditu prestazioetan jaio zenetik.
Gobernantza Publiko eta Autogobernuko Sailburu eta Itzarriko presidente Olatz Garamendik Itzarri bezalako proiektuen garrantzia azpimarratu du, euskal gizartean garapen eta hazkunde orekatuagoa lortzeko bidean. Ildo horretan, adierazi du, “aipatutako zailtasunak gorabehera, 2022an 23,7 milioi euro ordaindu ditugula erretiro pentsioen osagarri gisa”.
Batzarraren aurrean egindako hitzaldian, Garamendik Ukrainako gerraren eta horren ondorioen ondorioz ohikoak diren errentagarritasunak lortzeko zailtasunei buruz hitz egin du, baita finantza munduko gorabeherei buruz ere, “eta horrek ziurgabetasun eta asaldura testuinguru bat eratu du”.
Era berean, Itzarrik azken urtean egin duen inbertsio ahalegina nabarmendu du, 126 milioi euro baino gehiagorekin Euskadin (ondare osoaren %12,08). “Datu horrek ahalegin handiena egiten duen BGAE gisa mantentzen du erreferentziazko posizio bat”, azaldu du.
Itzarrik 120.148 bazkide zituen 2022ko abenduaren 31n, aurreko urtean baino 4.582 gehiago, Euskadiko Administrazio Orokorrari eta Instituzionalari zegozkionak. Era berean, 73 milioi euro gehiagoko hazkundea izan zuen bere ondarean.
Azken 10 urteetan, urteko batez besteko errentagarritasuna UTBren % 4,41ekoa izan da, eta UTBren % 3,80koa 2005eko apiriletik, hau da, sortu zenetik. Horrela, Itzarrin momentu horretan 1.000 euro eman zituen bazkideak 1.935 euro zituen 2022ko abenduaren 31n. Hau da, ia bikoiztu egin da bere ekarpena.
Era berean, azken hamabost urteetan, urteko batez besteko errentagarritasun positiboa % 3,72koa da UTBn, eta antzeko baldintzak dituzten sistemetan, kasurik onenean, % 2,6koa da UTBa.
Bestalde, azpimarratu behar da 2005. urteaz geroztik Itzarrik 164 milioi euro ordaindu dituela prestazioen arloan, eta 23,7 milioi euro 2022. urteari dagozkio. Oro har, erretiroagatik 20,6 milioi euro, ezintasunagatik 2 milioi euro, heriotzagatik 944 mila euro eta iraupen luzeko langabeziagatik 127 mila euro.
Itzarrik erreferentziazko posizioa mantentzen du Euskadin inbertsio-ahalegin handiena egiten duten borondatezko gizarte-aurreikuspeneko erakundeen artean: 126,9 milioi euro, ondare osoaren % 12,08.
Datu historikoak
|
|
2005/04/19 |
2022/12/31 |
|
Bazkide kopurua |
68.244 |
120.148 |
|
Ondarea € |
10.166.198 € |
1.050.568.336 € |
|
Balio likidatiboak |
10,0000 |
19,354142 |
Itzarri Enpleguko BGAEren urteko errentagarritasuna
|
2013 |
2014 |
2015 |
2016 |
2017 |
2018 |
2019 |
2020 |
2021 |
2022 |
|
%11,90 |
%6,92 |
%4,15 |
%4,82 |
%4,43 |
-%2,03 |
%7,03 |
%1,41 |
%7,78 |
-%1,53 |
*Aurreko errentagarritasunek ez dute gerorako errentagarritasunik bermatzen
2022. urtea. Itzarri Enpleguko BGAE beste pentsio planen aldean*
|
BANAKAKO SISTEMA Errenta Finko Mistoa |
-%10,1 -%9,6 |
|
ENPLEGU SISTEMA |
-%8,8 |
|
PENTSIO PLANAK GUZTIRA |
-%9,7 |
|
ITZARRI ENPLEGUKO BGAE |
-%1,53 |
*INVERCOren datuak 2022/12/31n
(urteko batez besteko errentagarritasun haztatuak
gastu eta komisio garbiak)
