Kontsumobide, Kontsumoko Euskal Erakundea, egiten dituen kontroletan, erreklamazio-orrien araudiaren arau-hauste ugari antzematen ari da.
Erreklamazio-orriak kontsumitzaileen eskubide bat dira, beren eskubideak defendatzeko eskura duten lehen tresna baitira. Hori dela eta, erreklamazio-orriak paperan edukitzea betebeharra da kontsumitzaileei produktuak edota zerbitzuak saltzen dizkieten establezimendu guztientzat.
Gainera, jendeari kartel elebidun bat erakutsi behar diote, ondo ikusteko eta irakurtzeko moduan, honako hau dioena: "Existen hojas de reclamaciones a disposición de quienes las soliciten/Nahi duenak eskuragarri ditu erreklamazio-orriak". Mezu horren letren tamaina, gutxienez, zentimetro batekoa izan behar da.
Arau-hauste zehagarriak dira kontsumitzaileei eta erabiltzaileei erreklamazio-orriak ez ematea, ez edukitzea edo behar bezala ez iragartzea.
Erreklamazio-orriak online edo Kontsumobideren bulegoetan eskura daitezke