Gobernu Kontseiluak gaurko bileran adostu du, Hezkuntza sailburuak proposatuta, UNED Urrutiko Unibertsitateari zuzeneko laguntza ematea 2023ko ekitaldian euskal kulturarekin eta hizkuntzarekin lotutako urrutiko prestakuntza-proiektuak finantzatzeko. Laguntza honek 201.672 euroko diru kopurua du.
UNEDen Euskadiko hiru ikastegien artean honela banatuko da dirulaguntza:
|
IKASTEGIA |
|
|
UNED VITORIA-GASTEIZ |
66.083 € |
|
UNED BERGARA |
77.655 € |
|
UNED BIZKAIA |
57.934 € |
|
GUZTIRA |
201.672 € |
UNEDen Euskadiko hiru ikastegi elkartuek dirulaguntza hau erabili beharko dute euskal kulturarekin eta hizkuntzarekin lotutako urrutiko prestakuntza-programaren barruan.
Finantzaketa handitzea
Hezkuntza Sailak eta UNEDek 2021eko apirilean sinatutako lankidetza-hitzarmenaren bidez, besteak beste, Sailak UNEDen Euskadiko hiru ikastegien finantzaketan izango duen parte hartzea arautzen du. Hitzarmen horrek urteko finantzaketa handitzeko aukera jasotzen zuen, euskal kulturarekin eta hizkuntzarekin lotutako urrutiko prestakuntza-proiektuak garatzeko.
Laguntza berri hau, beraz, 2023an dagoeneko UNEDi eman zaion urteroko dirulaguntzari (500.000 eurokoa) gehitzen zaio. Gorago aipaturiko hitzarmenari jarraiki, joan zen ekainaren 6ko Gobernu Kontseiluan onartu zen UNEDen urteroko laguntza. Laguntza hauen bidez, Hezkuntza Sailak aintzat hartzen du UNEDen ikastegi hauek egiten duten lan akademiko, kultural eta sozial garrantzitsua, eta bere gain hartzen du Euskadin egiten dituzten jarduerei laguntzen jarraitzea.