Administrazio publikoko lan-kontratuko langile finkoentzako txanda kontratuari lotutako Erretiro Partzialeko Plana onartu du Jaurlaritzak (Consejo de Gobierno 28-3-2023)

Argitalpen-data: 


      fotoconsejo.jpg
  • Ekimenak 2024 baino lehenagoko erretiro eskaerei eragiten die
  • Akordioak enplegu berria sortzen lagunduko du eta belaunaldi errelebo egokia erraztuko du 

Euskadiko Administrazio Publikoaren zenbait sektoretako lan-kontratuko langile finkoentzako txanda kontratuari 2023ko abenduaren 31ra arte lotutako Erretiro Partzialeko Plana gauzatzeko akordioa onartu du gaur Eusko Jaurlaritzak Gobernu Kontseiluan. 

Zehazki, 2024ko urtarrilaren 1a baino lehenagoko erretiro eskaeretan izango du eragina planak, alde batera utzi gabe hura luza daitekeela. 

Akordioa Euskal Autonomia Erkidegoko Administrazioaren Negoziazio Mahai Orokorrak otsailean egindako azken bileraren esparruan negoziatu zen, eta Eusko Jaurlaritzak eta CC.OO. eta UGT sindikatuek sinatu zuten. 

Akordioaren aplikazio eremuari dagokionez, Euskal Autonomia Erkidegoko Administrazioko Negoziazio Mahai Orokorrean ordezkatuta dauden langileei eragiten die, eta, zehazki, honako sektore eremu hauei: 

  • Administrazio Orokorreko eta haren erakunde autonomoetako lan-kontratuko langileak
  • Hezkuntza Saileko lan-kontratuko irakasle eta hezitzaileak
  • Hezkuntzako lan-kontratuko langileak
  • Hezkuntza Saileko erlijioko lan-kontratuko langileak
  • Segurtasun Saileko lan-kontratuko langileak
  • Osakidetzako lan-kontratuko langileak 

Hitzarmenari esker, lan-kontratuko langileen lan-bizitzaren amaiera nabarmen hobetuko da, eta aldi berean enplegu berriak sortzen lagunduko du, eta aldi berean belaunaldien arteko erreleboa ahalbidetzen du. 

Txanda-kontratuari lotutako Erretiro Partzialeko Plan honek Administrazioko ehunka langileren lan baldintzak hobetzea eta enplegu publikoa sustatzea ahalbidetzen du.

Informazio gehigarria