Gaur eguerdiko hamabiak aldera, larrialdietako zerbitzuetara deitu dute N-240 errepidean, Legution (Araba) furgoneta batek txirrindulari bat harrapatu duela esanez.
Lekura hurbildu diren Ertzaintzaren patruilek, suhiltzaileek eta Osakidetzako zerbitzuek artatu dute biktima istripua gertatu den lekuan bertan. Osasun-zerbitzuek suspertzeko maniobrak egin dizkioten arren, ezin izan dute ezer egin 68 urteko gizonari bizia salbatzeko.
Bestalde, Ertzaintzak ikerketa jarri du abian zoritxarreko ezbehar honen arrazoiak argitzeko.