Azterketei buruzko informazioa. Fakultatiboen Goi-mailako Kidegoa: Estatistikako eta Datu Analisietako Eskala
Oposizio-faserako prestatutako probak honako leku eta orduetan egingo dira:
2023ko otsailaren 5 (igandea): 16:00, Barakaldoko BEC erakustazokan.
1. pabilioia: ABAD- ZURUTUZA bitartean
Gogoan hartu:
- Garraio publikoa hartzea duzu onena BEC erakustazokara iristeko (metroaren geltokia duzu instalazioen ondo-ondoan). Nola iritsi jakiteko
. - Ateak azterketa ordua baino 45 minutu lehenago irekiko ditugu.
- Abizenaren arabera dagokion pabiloira joan beharko duzu. Pabiloi bakoitzaren barruan zenbakidun eremuak daude. Otsailaren 2an, ostegunean, abizenen eta azterketa-eremuen banaketa argitaratuko da webgune honetan.
- Egokitzapenen bat (azterketa handituak, zeinu-interpretea,…) edo proba egiteko laguntzaren bat eskatu duten pertsona guztiek atariko 1. gelara joan beharko dute (0 maila).
- Ez ahaztu NAN, gida-baimena edo pasaportea eraman behar duzula azterketara.
- Boligrafoa ere zuk eraman behar duzu (beltza edo urdina).
- Erabili komunak azterketa-gunera sartu aurretik, azterketa egiten ari zarela ez delako utziko komunera joaten.
- Probaren A zatiak 40 galdera eta erreserbako 5 izango ditu. B zatiak, berriz, 20 galdera gehi erreserbako 5 galderako bi aukera izango ditu. Hautatzen duzun aukeraren galderei erantzun beharko diezu.
Ikusi argibideen orria (PDF, 238 KB). Ikusi erantzun orria (PDF, 184 KB) 
. - Ez dira zuzenduko azterketa-eredua (A edo B) adierazita ez duten erantzun-orriak, eta ez da zuzenduko 1 edo 2 aukera markatuta ez duten orrien B zatia.
- Bi probak batera entregatuko dira koadernotxo batean, eta 120 minutuko denbora izango duzu bi zatiak egiteko.
- Ariketak amaitu ondoren, galderen koadernoak eta erantzun zuzenen txantiloiak argitaratuko dira.
- Probaren emaitzak otsailaren 8an argitaratuko dira.
