Auzitegi Gorenak "Kukuxumusu Unibertsoko" pertsonaiak marrazteko baimena eman dio Mikel Urmenetari
Urmeneta, 'El Día de Mañana' ETBko saioan
Auzitegiak ezetsi du Kukuxumusuk Nafarroako Auzitegi Nagusiaren epaiaren aurka, zeinetan Urmenetak enpresari egindako lagapenaren mugak ezarri baitziren, jarritako helegitea
Espainiako Auzitegi Goreneko Gai Zibiletarako Gelak ezetsi du Kukuxumusu Ideas SL-k Nafarroako Auzitegiaren epai bati jarritako helegitea. Bere epai horretan, probintzia auzitegiak mugak ezarri zituen "Kukuxumusu Unibertsoko" pertsonaien sortzaileak, Mikel Urmeneta ilustratzaileak, enpresa horri egindako eskubide lagapena zehazteko.
Orain, Auzitegi Gorenak ezarri du Urmenetak pertsonaia horien marrazki berriak egin ahalko dituela, "betiere lagatakoetakoren baten plagiotzat hartua ez izateko adina ezberdina bada marrazki berria".