Datorren abenduaren 15ean abeslariak Hemen berriro aurkeztuko du, atera  berri duen bederatzi abestiz osaturiko diskoa 

Lan horrek pop, soul, funky eta elektronika musika-generoak uztartzen ditu · Sarrerak Chillida Lekuko webgunearen bidez eskuratu daitezke 

Chillida Lekuk Maeght Unibertsoa erakusketaren jarduera-programazioarekin  jarraitzen du 

Abenduaren 15ean Sara Azurza abeslari eta  konpositore donostiarrak Hemen Berriro diskoa aurkeztuko du Chillida Lekun Neguko Solstizioa ospatzen duen kontzertuan. Bederatzi abestiz osatua, bizitzaren  ziklo emozionalari buruzko lana da eta pop, soul, funky eta elektronika bezalako  estiloak uztartzen ditu, eta melodietan barrena bidaiatzen duten emozio eta  sentimenduak islatzen ditu 

Abeslari gazteak 17 urte zituela hasi zuen bere ibilbidea, euskaraz eta ingelesez  idatzitako abestiekin osatutako Theorein diskoa kaleratuz. 2023ko urtarrilean  Azurzak Hemen Berriro diskoa argitaratu zuen, beste musikari ezinhobe batzuen  partaidetzarekin, hala nola, Iker Lauroba teklatuan eta gitarran, Julen Barandiaran  baxuan eta Haritz Lauroba baterian. Taldeak euskal musikaren panorama aberastu  du, hain ohikoa ez den estilo baten bidez, eta abenduaren 15ean joko dituzte abesti  berri horiek Chillida Lekun. 

Maeght Unibertsoa publiko guztientzat 

Gainera, museoak neguan pultsua mantentzen du eta Gabonak bezain seinalatuak  diren egunak Maeght Unibertsoa erakusketarekin hartuko du, Alberto Giacometti,  Jean Arp edo Alexander Calder bezalako artisten eskultura sorta bat bilduz, Saint Paul-de-Venceko Maeght Fundazioko eta Pariseko Maeght galeriako funtsekin  osatua. Jardueren artean, Chillida Lekuk bisita elkarrizketatuen aldeko apustua  egiten du, egunero egiten dira eta 30 minutu irauten dute gutxi gorabehera. Bisitan  zehar, XX. mendeko eskulturaren historia modu esanguratsuan markatu duten  sortzaile horien lanak aurkituko ditugu, Chillidaren lana hobeto ulertzeko eta bere  testuinguru historiko eta artistikoan kokatzen laguntzen digutenak. 

Chillida Lekuko hezkuntza taldeak publiko guztientzako programazioa prestatu  du datozen asteetarako. Eguberriak ospatzeko, Chillida Lekuk jarduera berezia  proposatzen du, eta Eduardo Chillidaren inguruko artista handien lanak ezagutzeko  aukera emango du. Harri, hodei edo elurrezko panpina bihurtzen den hazi erraldoia,  emakume baten, txori baten eta zaldi baten arteko topaketa, ohe ez den ohea, hiru  eguzki horiko unibertsoa, izaki mitologikoak... Hitzaren bidez, parte-hartzaileek  Zabalaga baserriko espazioa betetzen duten pertsonaia fantastikoei buruzko istorioak asmatu ahal izango dituzte. 

Gainera, urtarrilaren 13an, Maushausek, artearen eta arkitekturaren inguruko  ideien laborategiak, Saint-Paul-de-Vence-ko tailerrean zeramika eta grabatua  landu zuten Eduardo Chillida eta Alexander Calder artistei eskainitako tailerra  emango du. Material sinpleen bidez, hainbat dinamika eta ariketa egingo dira,  Calder-en lana eta horrek oreka, espazioko lerroa edo eskulturako mugimendua  bezalako kontzeptuekin duen lotura ulertzen laguntzeko. 

Otsailaren 10ean, Maushausek ere Pablo Palazuelo protagonistatzat duen tailer  bat diseinatu du familian egiteko. Bertan, bi dimentsioko kolore-ariketa egingo da,  patroi gisa trama geometrikoak erabiliz. Tailerraren bigarren zatian, forma  geometriko libreetan oinarritutako eskultura egitea da asmoa. Ohikoa denez,  txikienak dira protagonista nagusiak artearen mundura modu didaktiko eta  entretenigarrian sartzeko aukera ematen duten jardueretan. Hain zuzen ere,  datorren martxoaren 2an Myriam Perez dantzari eta koreografoak Maeght  Unibertsoko lanak aztertuko ditu inprobisazio-jokoen bidez familian egiteko. 

Martxoan, halaber, meditazio-saioa egongo da erakusketa osatzen duten artelanen  bidez, eskulturak erritmo lasaiagoan ikustera eramaten gaituena, eta Isabelle  Maeghtek, Maeght Fundazioaren administratzaile eta Aimé eta Margueriteren  bilobak, emandako hitzaldia izango da. Bestalde, museoak eskolentzako bisitaldi  bat diseinatu du, hainbat eskola-mailatara egokitua, eta, horren bidez, XX. mendeko  eskulturaren ikuspegi zabala eskainiko da, erregistro, estilo, material eta gai ugarik  markatua.