Monterhermoso Kulturuneak sustatzen du ekainaren 24tik irailaren 16ra egingo den programa

Belar Sounds bueltan da 2023an Monterhermoso Kulturuneko kalitatezko musika Falerina Lorategira hurbiltzeko. Erdigune historikoa aisialdirako eta elkarbizitzarako espazioa bihurtuko da udako asteburuetan, ekainaren 24tik irailaren 16ra, arratsaldeko zazpietatik aurrera.

Belar Soundsen bosgarren edizioa ekainaren 24an, larunbatean, hasiko da AC The Band taldearekin. Asier Crespo abeslari eta gitarra-jolearen bakarkako lehen proiektua da, eta Javier Rodríguez baxuarekin, Esteban Isusi bateriarekin eta Javi Free teklatuarekin batera Martin Sexton edo Paul Simonen mailako musikarien eraginak markatutako baina berezko estiloa duen banda eratu du.

Larunbatean, apirilaren 1ean, 4 Villains taldearen txanda izango da. Metal melodikoa eta rock abestiak uztartzen dituen Bilboko banda da. Emanaldian ez dira faltako lehen laneko abestiak, ‘Freak show’, eta klasikoren bat, makillaje asko, tul eta zirkuko kutsu lotsagabe handiarekin batera.

Eta abuztuan, 19an, Micky & The Buzz izango da Falerinan, jump-blues eta rock & roll klasikoaren banda. Punkaren energiarekin eta Micky Paiano italiarraren ahotsarekin (Shöck, No Relax), taldekideek ibilbide luzea dute hainbat taldetan, hala nola The Boogie Punkers, The Big Flyers edo The Longboardsen. Energia, erritmoa, dantza eta dibertsioa ziurtatuta daude.

1995ean hasi zenetik, The Brontës Gasteizko hirukotea pop melodikoaren eta rockaren artean mugitu da. Modak alde batera utzita, haien konposizioak ingurune gogorrean, gitarra-munduan eta zarata artean murgiltzen dira, eta estilo oso pertsonal eta mendekotasun-sortzailea sortzen dute. Gasteizko publikoak haien lanaz gozatu ahal izango du abuztuaren 26an.

Belar Sound irailean amaituko da maila handiko hiru hitzordurekin. Hilaren 2an, Janus Lester, banda ikusgarri, dibertigarri eta anbiziotsua izango da, arima beltza eta 80ko eta 90eko dantzaren herentzia dituena erritmo sinkopatuak, elektronika eta funka nahasten ditu, erabat originalak eta garaikideak diren moldaketekin.

10ean Gonzalo Portugalen txanda izango da, Gonzaloren bakarkako abentura da, urte askotan zehar Last Fair Deal bandako buru izan ostean. Bere lehen EPak, ‘On My Way’, askotariko estiloak erakusten ditu bluesaren hizkeraren ikuspegitik, berezko konposizioekin eta ‘Rollin and tumblinen’ berrikuspenekin.

Adormiderak itxiko du programazioa irailaren 16an. Tamara Martínezen izen artistikoa da, rock eszenaren eta egile-abestien sorpresa handietako bat. Emozioak urratzen dituzten hitz eta melodiekin eta publikorik zorrotzena ere erakartzeko musikarekin, bere proposamena pasio hutsa da: musika-proiektu freskoa, originala eta desberdina.

Kontzertuetarako sarrera librea izango da tokia bete arte.

Informazio gehiago udal webgunean

Belar Soundseko programa (pdf)