Estatubatuar banda Arctic Monkeys, Florence + The Machine, The Chemical Brothers, Phoenix eta Idles kartelburuei batu zaie. Sarrerak martxoaren 9an izango dira salgai.

Bilbao BBK Livek kartel osoa publikatu du gaur, kartelburu beri baten iragarpenarekin: Pavement.

AEBko indie pop banda Arctic Monkeys, Florence + The Machine, The Chemical Brothers, Phoenix eta Idles kartelburuei batu zaie. Aurtengo edizioa uztailaren 6, 7 eta 8an izango da, Kobetamendin.

Pavementena ez da gaurko egunez ezagutu dugun izen berri bakarra. Róisín Murphy, Arca, Perfume Genius, Young Fathers eta Judeline ere gehitu zaizkie aurretik iragarritako izenei.

Euskal taldeek ere izango dute, urtero legez, euren lekua. Ostiralean, Bengo, Amaia eta Txopet (aurtengo Gaztea Maketa Lehiaketako irabazlea) izango ditugu taula gainean. Ostiralean, Rüdiger izango da euskal musikaren ordezkaria. Larunbatean, berriz, Ben Yart, Eneritz Furyak, Hofe X 4:40 eta Merina Grisek jarriko dute etxeko marka eszenatokian.