Igartubeiti baserri museoko Ars Natura artisten egoitza
Igartubeiti baserri museoak Ars Natura erresidentzia artistikoa abiarazi du Barne Begiradak proiektuaren barruan. Proiektu horrek, berrikuntza sozialaren eta praktika artistiko garaikideen bidez, landa-ingurunean bizitzeko moduak aztertzea proposatzen du.
Erresidentzia Zerainen egingo da 2023ko otsailean eta martxoan. Egoitzaren iraupena otsailaren 13tik martxoaren 19ra bitartekoa izango da.
Ars Natura Igartubeiti Baserri Museoak sustatzen du, eta Next Generation funtsen bidez Berreskuratze, Eraldaketa eta Erresilientzia Planeko hiri-eremuetatik kanpoko kultura eskaintza handitzeko eta dibertsifikatzeko laguntzen bidez finantzatzen da.
Aurkeztutako proiektuak lurraldean bizitzeko modu berrien inguruko hausnarketak planteatu beharko ditu, landako eta hiriko naturak kontzeptu-esparru gisa hartuta.
Nori zuzendua:
Erresidentzia Gipuzkoan bizi diren adin nagusiko sortzaileentzat eta/edo artista taldeei zuzendua dago.
Diziplina artistikoak:
Arte bisualak, ikus-entzunezkoak, instalazioa, Land Art, argazkilaritza, soinua, antropologia, ikerketa, eskultura, performancea eta artistaren eta lurraldearen arteko elkarrizketa, ingurunearen espezifikotasunaren eta testuinguruaren barruan eta paisaiaren eraldaketaren ideiarekin lotuta dagoen adierazpen artistiko edo lan-ildo guztiak biltzen dituzten proposamenak onartzen dira.
Eskaerak:
Eskaerek ikerketa eta ekoizpen oinarri bat izan beharko dute, artistaren, lurraldearen eta paisaiaren arteko elkarrizketari lotuta (kasu honetan, erresidentzia garatzen den ingurunea). Hori agerikoa izan beharko da kontzeptua, erabili beharreko materialak eta proiektuaren garapena hautatzerakoan.
Pertsona fisikoek argitaratu gabeko proposamen bakarra aurkeztu ahal izango dute, banaka edo taldeka.
Interesatuek euren zalantzak argitu ditzakete igartubeiti@gipuzkoa.eus helbidearen bidez.
Parte hartzeko, eskatutako dokumentazioa bidali beharko da posta elektronikoz, 2023ko urtarrilaren 30eko 14:00ak baino lehen, igartubeiti@gipuzkoa.eus-en.
Balorazio Batzordearen azken erabakia 2023ko otsailaren 6tik aurrera jakinaraziko da.
Deialdiari buruzko informazio gehiago oinarrietan.
- Epea 2023(e)ko Urtarrilak 2(e)tik 2023(e)ko Urtarrilak 30(e)ra
- EntitateaIgartubeiti baserri museoa | Caserío Museo Igartubeiti
- Deialdi-motaEgonaldiak eta mentoring-a
- SektoreaIkusizko arteak, Museoak, Bestelakoak
- JardueraSorkuntza, Ikerketa
- OnuradunakPertsona fisikoak, Pertsona juridikoak, Beste batzuk
- Info Gehiago
Fitxa honen asmoa informazioa ematea baino ez da, eta ezin da, inola ere, indarrean dagoen lege-testuaren ordezkotzat hartu. Kulturklikek edukia eguneratzeko eta zuzentzeko eskubidea du, eta ez du horren inguruko erantzukizunik hartuko bere gain.