ALONSO PANIZO, J.Á., CASTAÑARES ÁVILA, R., MORALEDA DUSSAILLANT, A. y QUIÑONES LEDESMA, G., 2021. Educación física, imprescindible en alumnos con necesidades educativas especiales. Revista Padres y Maestros / Journal of Parents and Teachers, no. 388, pp. 24-31. ISSN 0210-4679, 2255-1042
A LA PAR Fundazioan 70 urte baino gehiago daramatzagu desgaitasun intelektuala duten pertsonekin lanean, haien eskubideen eta partaidetzaren alde gure gizartean, oztopoak topatzen dituztenean heldulekuak diseinatuz. Arestian deskribatutako helburua lortzeko erabiltzen dugun tresna nagusietako bat jarduera fisiko egokitua egitea da. Jarduera fisiko hori ulertzen da diziplinarteko ezagutza-multzo gisa, jarduera fisikoan dauden norbanakoen arteko desberdintasunak identifikatu, onartu eta konpontzeko , eta garatzen diren testuingurura egokitu behar dira, gure kasuan adimen-desgaitasuna duten gazte eta nerabeei zuzenduta. Azterketa honen helburua da Gorputz Hezkuntzako arloak garatzen dituen proposamen guztiak aurkeztea, kirolaren bidez gizarteratzeari dagokionez hobekuntza esanguratsuak lortzeko.
LANGUITA MARTÍNEZ, R., PRADENA GARCÍA, Y. y FERNÁNDEZ RODRÍGUEZ, E., 2021. La performance teatral como dispositivo transferencial crítico de la violencia micromachista en adolescentes. Revista internacional de educación para la justicia social (RIEJS), vol. 10, no. 2, pp. 27-42. ISSN 2254-3139
Artikulu honek indarkeria mikromatxista prebenitzeko eta berdintasuna sustatzeko antzerki-performance baten ezarpena aztertzen du; performance hori Lanbide Heziketako ikasleek sortu zuten eta Bigarren Hezkuntzako ikasleei zuzentzen zaie. Kasuen azterketan oinarritutako ikerketarako metodologia kualitatibo batetik abiatuta, lan horren ardatzak honakoak dira: nerabezaroan mikromatxismo-egoerak irudikatzen dituzten pertsonaien rolak aztertzea; obra antzeztu ondoren LHko ikasleek egiten duten bitartekotza pedagogikoaren prozesua ulertzea; eta, edukian hobekuntza-alternatibak aurkezteko, bitartekaritza pedagogikoan aldatutako lanaren bigarren antzezpena deskribatzea. Emaitzek honakoak ondorioztatzea ahalbidetzen digute: horrelako ereduen abantailak gaur egungo gazteen mikromatxismoa diagnostikatzeko; antzerki-performancearen ezaugarri bereziak esperientzia gisa, genero-indarkeriari dagokionez gazteek beren burua islatuta eta interpelatuta ikusteko; eta, azkenik, antzerki espazioak berak eskaintzen dituen aukerak herritarrak sortzeko laborategia den aldetik, bertan nerabeen genero-ikuspegiko ikusle-gaitasuna zabaltzeko.
VAQUERO CAÑESTRO, M. del C., 2021. El antiselfie como detonante reflexivo en la formación de docentes. Una experiencia de indagación colectiva a través de la práctica fotográfica. Observar, no. 15, pp. 128-148
Irudi estereotipatuen ugaltzeak sare sozialetan eta gazteen identitate-eraikuntzan duen eragina kontuan hartuta, proposamen honek selfie fenomenoak duen garrantzia planteatzen du, nerabeen eta gazteen kultura-ekoizpen paradigmatiko gisa; halaber, irakasleen prestakuntzan alternatiba kritikoak eta artistikoak sortu beharra plazaratzen du. Ildo horretan, antiselfiea proposatzen da, selfiearen aurka eraikitako sorkuntza sinboliko autoerreferentzial gisa eta jarduera artistikoaren detonatzaile gisa. Esperientzia horrek irakasle-ahotsean erakusten du ikasleek sortutako ikusizko eta idatzizko kontakizunetan zehar egin daitekeen ibilbideetako bat, eta nabarmentzen du gaur egungo argazkigintza artistikoaren praktikaren egokitasuna irakasleen prestakuntzan. Taldeak egindako sorkuntzen izaera introspektiboak ahalbidetu ditu banakako eta taldeko gogoeta identitarioa, praktika mediatikoei lotutako bizipen artistiko kontzientea eta harreman-inertzia berrien eraikuntza.
- Beste laburpen batzuk irakurri nahi badituzu klikatu artikulu nabarmen atalean
- Dokumentazio Zentroko webgunera esteka
- Behatokiaren funtsetara jotzeko bidea da LIBURUBILA.
- Argibide gehiago nahi izanez gero, jo ezazue ondoko helbide elektronikora: geb-liburutegia@euskadi.eus
OHARRA: Dokumentazio zentroko material oro kontsultagai dago, eta maileguan har daiteke