Lehendakariordeak nabarmendu du Diru-Sarrerak Bermatzeko Lege berriak Europaren buruan jartzen gaituela
2022-12-26
Idoia Mendia Lehendakariorde eta Eusko Jaurlaritzako Lan eta Enplegu sailburuak astelehen honetan gogorarazi duenez, Gizarteratzeko eta Diru Sarrerak Bermatzeko Euskal Sistemaren Lege berriak Europaren buruan jartzen du Euskadi gutxieneko errenten arloan, eta, gainera, Lanbide konprometitzen du lan-aktibaziora bideratutako formuletan, prestazio hori eskatzen duten 18 urtetik gorakoek hartuko baitituzte.
Radio Euskadiko Boulevard-en egindako elkarrizketa batean, Lehendakariordeak aurreratu du datorren urterako berehalako erronka Euskal Autonomia Erkidegoak izango duen lehen Enplegu Legea Legebiltzarrera eramatea dela, Lanbideren eta enpresen artean denbora errealeko komunikazioa egon dadin, erantzun egokiak eskaintzeko eta langileak trantsizio handietatik eratorritako enplegu-aukera berriekin konektatzeko.