Gasteizko Bus Elektriko Adimendunak saria jaso du Mugikortasun Jasangarriaren aldeko Enpresak plataformak antolatutako Mugikortasun Jasangarriaren EMS sariketan. Hauen laguntza izan du: Garraioetako, Mugikortasuneko eta Hiri Agenda Ministerioa, CONAMA Fundazioa eta
Ingeniaritzako Errege Akademia.
Nazioarteko Mugikortasun Sarien bigarren edizioa maiatzaren 5ean izan zen, Madrilen. Bertan, Gasteizko Udala “Udalerri handi” kategorian saritu zuten hiriko autobus-linea garrantzitsuenaren elektrifikazeagatik eta kargatzeko azpiegituragatik, urtean 1.520 tona CO2 isurtzea saihesten baitu.
Sari horren bidez, EMSk mugikortasun-jardunbide egokiak eta -ekimenak bereizi nahi ditu, bai sektore publikoan, bai pribatuan, kasu arrakastatsuak ikusarazteko, aldaketaren buru diren erakundeak balioesteko eta irtenbiderik onenak dinamizatzeko, epe labur, ertain eta luzera inpaktu positiboak dituzten emaitzak sortzen laguntzeko, eta hala, helburuak modu eraginkorragoan lortzen laguntzeko.
Europako funtsekin batera finantzatutako BEI proiektua ezartzea,“Urtean 1.500 tona CO2 isurtzea saihesten duen linea elektrikoa da. Maiztasuna hobetzen du, 8 minuturo pasatzeko aukera eskainita (lehen 10 minutu ziren) eta bidaiatzeko denbora % 25 murrizten du, aurreko 50 minutuetatik egungo 35 minutuetara pasatuz ibilbide osorako. Ibilbideak hiriko 14 auzo zeharkatzen ditu, 120.000 erabiltzaile potentzialekin (250.000 pertsonako hiri batean). Ibilbidean hiriko puntu nagusiak daude, hala nola Ospitalea, autobus-geltokia, Mendizorrotzako futbol-zelaia eta kirol-guneak, edo Boulevardeko merkataritza-gunea. Gainera, ibilbidearen zati handi batean errei bereizia du; gainera, teknologia aurreratua du, geltokira automatikoki gidatzea, semaforoak lehenestea eta iristeko denborari edo bestelako gorabeherei buruzko informazioa eskaintzen duena. Ezaugarri horien ondorioz, bidaia azkarragoa izateaz gain, erosoagoa eta seguruagoa ere bada“.
Ekimenaren bidez, 2030erako EAEko Garraio Jasangarriko Gidaritza Planean jasotzen diren jarraibideei erantzuten zaie; Gidaritza Planaren helburua da garraio-eredu jasangarria eta integratua lortzea, Euskal Autonomia Erkidegoko gizarte-kohesioko eta garapen sozioekonomikoko tresna gisa. Ekimenaren bidez, halaber, 2030erako EAEko Estrategia Energetikoari eta berotegi-efektuko gasen emisioak murrizteko 2050erako Klima Aldaketaren EAEko Estrategiari erantzuten zaie. Proiektuak Europako ekarpena izango du FEDER funtsen bidez.
