Eusko Jaurlaritzak Euskadiko espetxeetara lekualdatutako langileen lan-baldintzen inguruko akordioa lortu du Acaip-UGT sindikatuarekin

2022-04-05

Vitoria-Gasteiz, 2022-04-05

Eusko Jaurlaritzak, Justizia Administrazioko Zuzendaritzaren bitartez, lekualdaketa-prozesua amaitu ondoren Euskal Autonomia Erkidegoko espetxeetako plantillan sartu diren langileen lan-baldintzen inguruko akordio bat lortu du espetxe-esparruan nagusi den ACAIP-UGT sindikatuarekin.

Espetxeen Zuzendaritzaren eta Eusko Jaurlaritzako Justiziaren arteko kudeaketa-aldaketaren ondorioz egindako lekualdaketa-lehiaketan parte hartu ondoren euskal administraziora iritsi diren pertsonen egoerari buruz eztabaidatu du Espetxe Administrazioko Mahai Delegatuak egun hauetan.

Lortutako akordio horren bidez, langile berri horien etorrera Euskal Administrazio Orokorraren baldintzetara egokituko da. Akordioan, halaber, ordainsarien balorazioa jasotzen da atzeraeraginezko ondorioekin, euskal espetxeetako funtzionarioen lanpostuak eta eskalak zehaztu ondoren.

Eusko Jaurlaritzaren ustez, “berri ona” da akordio hori sinatu izana, “urrats kualitatiboa" baita etorkizunari begira.