Euskal ekonomia hazkunde biziko gunean mantentzen da, aurreikusitako dezelerazioa gorabehera

2022-09-13

Euskal ekonomia “hazkunde biziko” gunean mantendu da abuztuan ere, 100 puntutik gora jarraitu baitu, aurreikusi eta ondorioak utzitako dezelerazioa izan arren. Zehazki, 121,5 puntu lortu zituen joan den hilabetean, uztailean baino lau puntu gutxiago (125,4).

Neurritasun horren arrazoia inbertsioaren hazkunde-erritmo txikiagoa izan da, nahiz eta udako hilabeteetan kontsumo pribatuak nolabaiteko goraldia izan duen. Eskaintzaren aldetik, zerbitzuek leuntzen dute gehien hazkundea. Industriak eta eraikuntzak ere dezelerazio-profilak dituzte, baina ez hain nabarmenak. Enpleguak ere moteldu egiten du hazkunde-erritmoa, gaur Ekonomia eta Ogasun Sailak egindako abuztuko termometroan jasotako datuen arabera.

Adierazle hori 2022an hasi zen, 131,6 punturekin urtarrilean, eta hurrengo hilean urteko adierazlerik onena lortu zen, 131,9 punturekin.

Termometroa hilero lantzen da, euskal ekonomiaren 100 adierazle baino gehiago oinarri hartuta, eta hil bakoitzeko lehen egunetan argitaratzen da.