Euskadiko Nekazaritzako Elikagaien Balio Katearen lan-segurtasuna belaunaldi-aldaketa erakartzeko, Euskadipreben II. Uda Ikastaroko gai nagusia

2022-07-21

Gaur Euskadipreben Udako II. Ikastaroa ospatu da Donostiako Miramar Jauregian, "Iraunkortasuna eta Osasuna: ingurune sozial eta laboral erakargarria" izenburupean, 2019-2025 aldirako Euskadiko Elikaduraren eta Zuraren Balio Katerako Laneko Segurtasun eta Osasunerako Estrategia Sektorialaren barruan dagoena. Estrategia hori OSALANek landu eta bultzatu du, sektorean elkarreragiten duten eragile sektorial, sozio-laboral eta teknologikoekin lankidetzan, eta Ekonomiaren Garapen, Jasangarritasun eta Ingurumen Saileko laguntzarekin.

Eusko Jaurlaritzako Nekazaritza, Arrantza eta Elikagaien Politikako sailburuordeak, Bittor Orozek, hasiera eman dio ikastaroari, Euskadipreben Idazkaritza Teknikoko Pedro Antonio Monzonekin eta Eusko Jaurlaritzako Laneko sailburuordearekin, Elena Pérez, batera.

Oroz sailburuordeak adierazi duenez, Euskadipreben estrategiaren bidez, Eusko Jaurlaritzak osasunarekin lotutako sektore eta lan-ingurune bat modu integralean ikusarazi nahi du, kontsumitzaileei eskaintzen zaien produktutik abiatuta, hala nola garatzen den ingurunetik.

"Belaunaldien arteko trukea erraztu behar dugu, eta profesional gazteak erakarri, iraunkortasunaren ikuspegitik. Aberastasuna sortzean oinarritutako iraunkortasuna, baina baita lan-ingurune erakargarri bat sortzean ere, baldintza eta aintzatespen profesional duin batzuekin, laneko arriskuen prebentzioak lan-ingurune seguru eta osasungarriak sortzea bermatuko duena" - gehitu du Orozek.

Ikastaro honen helburuen artean, hain zuzen ere, gizartearen pertzepzioa hobetzea dago, Euskadiko elikaduraren balio-katea, laneko segurtasunaren eta osasunaren bidez, belaunaldi berriak sektorean sartzen laguntzeko.