Hondakin-uren arazketa-arazoak gainditzeko beharrezko azpiegitura da, eta Euskadiko azken urteetako isurketarik arazotsuenetako bati konponbidea ematen dio, Arabako Lautadako karga kutsatzailea Zadorra ibaira isurtzea saihestuz.
Hiriko hondakin-uren araztegi berriak 22 hilabete behar izan ditu eraikitzeko, eta 50 urteko bizitza baliagarria izango du. Inbertsio osoa 6,3 milioi eurokoa izan da, eta aurrerapausoa da uraren hiri-zikloaren kudeaketa aurreratuan lurralde osoan.
HUA, gehienez, ia 34.000 biztanle-baliokiderentzat diseinatu da; 350 m3/ordu -100 litro/segundoko- tratatu ditzake eta 900 m3/ ordu -250 litro/segundo- ere aurretratatu ditzake. HUAra iritsi daitekeen gehienezko emaria 3.000 m3/ orduko, 800 mm-ko diametroa duen hodi biltzailetik; eguneko 4.187 m3-ko emaria, batez beste, tratatzeko prestatuta dago. Ekaitz-tanga bat ere badu, prezipitazio handiko uneetan, hondakin-urekin nahasten diren euri-uraren emari handiak hartzea ahalbidetuko duena, eta, horrela, ibaiaren ibilgura araztu gabe isurtzea eragotziko duena.
Sistema osoa behar funtzionaletara egokitzeko pentsatuta dago, bai tratatu daitezkeen isurketa motei dagokionez, bai urak jasotzen dituen ingurune zehatzari dagokionez; horregatik, hirugarren sektoreko tratamendurako sistema berritzailea sartu da HUAren irteeran uraren iragazketa hobetzeko, ustiapen-lana errazten duena eta HUAren kontsumo elektrikoan aurrezpen energetiko esanguratsuak sustatuko dituena.
Instalazio horrek segurtasuna ematen dio Zadorra ibaiaren ibilguaren inguruneari, Ulibarriko urtegian ura husten duena, eta Autonomia Erkidegokok hornidura-iturri nagusi dena. Gainera, hiru faseko tratamendu indartua jasotzen du –aurretratamendua, bigarren mailakoa eta hirugarren mailakoa-, tratatutako urak ahalik eta kalitate onarekin ibaiaren ibilgura itzul daitezen.
Jarduera horrek klima-helburuak eta ekonomia berderako trantsizio-helburuak betetzen laguntzen du, EAEko Jasangarritasun Energetikoari buruzko 4/2019 Legearekin, Klima Aldaketaren 2050erako Euskal Estrategiarekin, Euskadi 2030 Estrategia Energetikoarekin eta Euskadiko Garapen Jasangarrirako Estrategiaren GJHei lotutako helburu eta jomugekin bat etorriz (Basque Countri 2030 Agenda).
Erakundeen apuntua da ingurumenaren iraunkortasunean eta karbono gutxiko euskal ekonomiarako trantsizioan aurrera egitea, ingurumena babestea eta kontserbatzea, eta klima-aldaketaren ondorioak arintzea.
Europako funtsen ekarpenak Eskualde Garapeneko Europako Funtsaren bidez, helburu espezifiko honetan bildutako gastuaren baterako finantzaketaren bidez, berebiziko garrantzia izan du ekonomiaren berreskurapen berdea, digitala eta erresilientea prestatzeko (REACT UE).