80 urtetik gorako pertsonen % 40ek COVID-19aren kontrako bigarren oroitzapen-dosia hartu dute
2022-10-17
- Abian jarraitzen du Osakidetzak arrisku-populazioarentzako aldi bereko txertaketarako kanpainak; 092 pertsonak jaso dute, dagoeneko, oroitzapen-dosia
- Gaurtik aurrera, arrisku-kolektibokoak ez diren herritarrek hitzordua hartu ahalko dute txertoa jartzeko
Euskadin, joan den irailaren 26an, COVID-19aren eta gripearen kontrako txertaketa-kanpaina abian jarri zenetik, 142.092 pertsonak hartu dute bigarren oroitzapen-dosia. 80 urtetik gorako pertsonen % 39,5k berritu egin dute COVID-19aren aurkako immunitatea.
Gainera, gaurtik aurrera, urriaren 17tik aurrera, arrisku-kolektibokoak ez diren gainerako herritarrek gripearen aurkako txertoa jartzeko hitzordua har dezakete. COVID-19aren aurkako txertoa hartzeko, Osasun Publikoko Batzordeko adituen jarraibideen zain egon behar da; izan ere, oraingoz, 60 urtetik gorakoentzat eta arrisku-taldeentzat soilik gomendatzen da aldi bereko txertoa.
Oroitzapen-dosiaren txertaketa
Osakidetza, iaz egin zuen bezala, herritarrei gripearen eta COVID-19aren aurkako txertoak eskaintzen ari zaie, aldi berean hartzeko, eta arrisku handiena duten kolektiboekin hasi da. Hori horrela, joan den urriaren 3an, Osakidetza gripearen eta COVID-19aren aurkako txertaketa-kanpainarekin hasi zen Euskadiko osasun-zentroetan, arrisku-taldeei zuzenduta, eta, gaur egun, dagoeneko, 80 urtetik gorako 57.815 pertsonak, alegia, % 39,5k, oroitzapen-dosia jaso dute.
Laster, Osasun Sailak COVID-19aren aurkako txertaketaren asteroko buletina eguneratuko du.
Nor dago arrisku-taldeetan?
- 65 urtetik gorakoak
- gaixotasun kronikoak dituztenak, hala nola diabetesa, biriketako gaixotasun buxatzaile kronikoa, kardiopatiak, etab.
- haurdun dauden emakumeak eta osasun-arloko eta eremu soziosanitarioko profesionalak
Nola eskatu hitzordua?
Hasiera batean, lehentasuna ematen ari zaie arrisku-kolektiboetako pertsonei. Hori dela eta:
Arrisku-kolektibokoa bazara: eskatu hitzordua Osakidetzaren web-orriaren bidez edo osasun-zentrora deituz.
Arrisku-kolektibokoa EZ bazara: Gaurtik aurrera, urriaren 17tik aurrera, herritar orok gripearen aurkako txertoaren hitzordua har dezake.
Gainera, txertaketari buruzko zalantzarik baduzu ere, Osakidetzak galde-eskeen atala eguneratu du web-orrian, aldi bereko txertaketaren inguruan izan ditzakezuen zalantzak edo kasuistikak argitzeko:
https://www.osakidetza.euskadi.eus/osasun-eskola-ataria/-/2022eko-gripearen-aurkako-txertaketa-kanpaina/
