Ingeles talde mitikoa Bilbao Exhibition Centren arituko da "The Future Past Tour" biran. Sarrerak azaroaren 3an jarriko dituzte salgai.   

Iron Maiden heavy metal talde ingeles historikoak Barakaldon, Bilbao Exhibition Centren, joko du 2023ko uztailaren 23an, "The Future Past Tour 2023" bere azken diskoa, Senjutsu (2021), aurkezteko egingo duten biran.  

2014an egon zen Euskal Herrian azkenekoz Iron Maiden, BECen bertan, eta aurretik sarritan egon dira Bilbon, Donostian eta Iruñean.  

Sarreren salmenta orokorra azaroaren 3an abiatuko dute, 10:00etan, eta seikotearen zale taldeko kideek bezperan erosi ahalko dituzte.