Reina Sofía Museoa eta Artium Museoa elkarrekin ari dira 'Néstor Sanmiguel Diest. La peripecia del autómata' proiektuan eta lehen erakusketa gaur inauguratuko da Madrilgo Velázquez Jauregian
Irudiaren kreditua: 'En la penumbra de tu corazón', 1994. Néstor San Miguel Diest / Euskal Herriko Arte Garaikidearen Museoa - Artium Museoa Bilduma
- DataEkainak 2
- Gaia Ikusizko arteak, Museoak
Bi erakusketak osatzen dute komisariotza-proposamen hori, MNCARSsenak eta ekainaren 24an Euskal Herriko Arte Garaikidearen Museoan irekiko denak
Artium Museoa - Euskal Herriko Arte Garaikidearen Museoa eta Reina Sofía Museoa elkarrekin aritu dira lanean azken hilabeteotan Néstor Sanmiguel Diest artista ardatz duen La peripecia del autómata proiektuan, izen bereko bi erakusketatan banatzen den komisariotza-proposamen batean. MNCARSek bi erakusketa horietako lehena aurkeztuko du gaur, Retiro Parkeko Velázquez Jauregian; Artium Museoko erakusketa, berriz, ekainaren 24an, ostiralean, irekiko da jendearentzat. La peripecia del autómata erakusketak artistaren ekoizpena aztertzeko aukera ematen du, 1980ko hamarkadaren amaieratik gaur egunera arte. Bi museoek landutako argitalpen monografiko batek osatuko du proiektua.
Nestor Sanmiguel Diesti (Zaragoza, 1949) eskainitako proiektu honek 230 lan inguru biltzen ditu guztira, 130 Reina Sofia Museoko erakusketan eta ehun inguru Artium Museoko hurrengo erakusketan. Bi erakusketetan erregistro piktorikoak, erregela eta zeinu grafikoen sistemak gurutzatzen dira, ibilbide zehatza ezarri beharrean, artistaren ibilbideko une batzuetan eta besteetan egindako piezak elkarren ondoan jartzen dituen kartografia bat marrazten dutenak. La peripecia del autómata proiektuko erakusketak direla-eta, Reina Sofía Museoak eta Artium Museoak katalogo bat kaleratuko dute, Beatriz Herráezen testu batekin eta Néstor Sanmiguel Diesten eta Ángel Calvo Ulloaren arteko elkarrizketa batekin.