Azkuna Zentroa – Alhóndiga Bilbao, Bilboko Udaleko Gizarte eta Kultura Zentroa, “Inbox Mediateka BBK” Atrioan autozerbitzu-sistema automatizatu berri bat jarri du abian, liburuak eta ikus-entzunezko materiala entregatu eta itzultzeko.

Hala, Azkuna Zentroak zerbitzuen kalitatea hobetu nahi du, eta herritarrei funts bibliografikorako eta ikus-entzunezkorako sarbidea erraztu.

Zerbitzua Mediatekako sarreraren ondoan dago, eta erabiltzaileek Mediatekakoak baino ordutegi zabalagoan egin ditzakete eragiketak, asteko egun guztietan (betiere zentroa irekita badago).

Sistema aitzindaria da Estatuan, eta, lehen fase honetan, hiru lauki-modulu ditu, bat eragiketa bakoitzeko, eta hainbat tamainatako armairuak. Gainera, eragiketak egiteko erabiltzailearen identifikazioa errazten duen erdiko pantaila bat du.

Materiala online erreserbatu daiteke, Azkuna Zentroaren Mediateka webgunearen bidez. Eskaera prest dagoenean, erabiltzaileak mezu bat jasoko du eskaera jasotzera pasatzeko. Era berean, mailegua itzultzeko ez da beharrezkoa Mediatekan sartzea. “Inbox Mediateka BBK”–n bertan utzi daitezke liburuak eta diskoak.