2022 Lau Haizetara Foroa. Deialdia - Eusko Jaurlaritza

Ekainaren 27a da proiektuak inskribatzeko muga-eguna

---

XVIII Donostiako Lau Haizetara Dokumentalen Koprodukzio Foroa 2022eko irailaren 19an, 20ean eta 21ean egingo da, Donostiako Zinemaldiaren 70. edizioaren esparruan (www.sansebastianfestival.com).

Foro hau topagune egokia da dokumentalaren proiektua finantzatzaile izan daitezkeenei eta ikus-entzunezkoen eta zinematografiaren sektoreko adituei ezagutzera emateko. Dokumentalen alorrean diharduten sektoreko profesionalentzako topagune bat.

Foroak hiru atal nagusi ditu: Tailerrak, Pitching Saioak eta Bilera Indibidualizatuak.

Tailerrak

Tailerrak prestakuntza-jarduerak dira, eta foroaren aurreko bi egunetan egiten dira (irailaren 19a eta 20a). Ekoizleei aukera eskaintzen diete proiektuak aditu profesionalen laguntzarekin garatzeko; proiektu horietatik ahalik eta etekinik handiena ateratzeko tresna egokiak eskainiko dituzte aditu horiek.

Pitching

Pitching saioa irailaren 21ean egingo da, goizez, Kursaal Jauregian, eta produktoreek beren proiektuak azalduko dituzte Commissioning Editoreen panel garrantzitsu baten aurrean. Saio horietan, gaian aditua den moderatzaile bat izango da, eta aldibereko itzulpen-zerbitzua eskainiko da. Proiektuak gaztelaniaz eta ingelesez aurkeztu ahal izango dira eta proiektu bakoitza 7 minutuan aurkeztu beharko da (teaserra barne).

Bilera Indibidualizatuak

Irailaren 21ean, arratsaldez, Comissioning Editoreen eta aurkeztutako proiektuen ordezkarien arteko one to one bileren agenda batekin osatuko da programa, betiere sor daitezkeen lankidetza-akordioak zehazteko helburuarekin.

Programazioarekin batera beste hainbat jarduera egingo dira, hain zuzen ere jendea Europako errealitate zinematografikoari eta kulturalari hurbiltzeko asmoarekin.

Proiektuaren Inskripzioa

Zeinek hartu dezake parte

Dokumental-proiektu bat garapen fasean duen eta Europako koprodukzioa bat bilatzen edota jada daukan edozein ekoizle independentek izango du parte hartzeko aukera.

Proiektua gazteleraz/euskaraz eta ingelesez erregistratzea derrigorrezkoa da, eskatutako eremu bakoitza dagokion hizkuntzan betez. Bestela, proiektua automatikoki baztertua izango da.

Proiektuen inskripzioa doakoa da.

Deadline: Ekainak 27

Proiektuaren Inskripzioa

Ekoizpen-etxeek nahi dituzten proiektuak aurkeztu ahal izango dituzte hautatzeko.
Teaserra aurkeztea ezinbestekoa izango da (3 minutu gehinez) proiektua inskribatzeko momentuan.
Adituen batzorde batek hautatuko ditu proiektuak; batzorde horren koordinazioaz IBAIA Ikus-entzunezkoen Euskal Ekoizle Burujabeen Elkartea arduratuko da.
Proiektuak hautatzeko eta pitchingean parte hartzeko azken erabakia behin betikoa izango da eta, besteak beste, honako irizpide hauetan oinarrituko da: proiektuaren unibertsaltasuna eta errekurtso transnazionala, ekoizlearen (k) CVa eta haien sormen taldeak, ziurtatutako finantzaketaren portzentajea, berretsitako zabaltzaile eta banatzaileen kopurua eta garrantzia, proiektuaren garrantzi ekonomikoa, koprodukzio aukerak, etab.
Ebazpena ekainaren amaieran jakinaraziko zaie parte-hartzaile guztiei.
Aukeratutako proiektuek 250 euro ordainduko dute (+ BEZ) edo 150 eurokoa (+ BEZ) IBAIA elkarteko kide izanez gero, Foroan parte hartzeko. Ordainketa banku transferentzia bidez egingo da.

XVIII Donostiako Lau Haizetara Dokumentalen Koprodukzio Foroan parte hartzeak funtzionamendu-arau horiek onartzen direla esan nahi du. Foroak eskubidea izango du esanbidez jaso gabeko antolamendu-alderdien inguruko erabakiak hartzeko.