Diseinuzko altzarien sektorean erreferentea den enpresa gipuzkoarrak 40 herrialde baino gehiagotan ditu proiektuak, eta bere fakturazioaren ia % 50 nazioartean dago. LinkedInen bulegoak Chigagon edo Errealaren Reale Arena estadioko vip aretoak altzariz hornitu ditu.

Ondarreta enpresa gipuzkoarraren jatorria XX. mendearen hasieran eman zen, Nora eta Nadia Arratibelen aitona-amonek, enpresako CEOek eta egungo Produktu zuzendariak, izen bereko hondartzan egindako aroztegi txiki batekin. Aitona-amonek Juanjo Arratibel eta Marilis Galardi gurasoei eman zieten lekukoa, eta haiek erreferente bihurtu ziren diseinuzko altzarien sektorean. Markak 45 urte bete berri ditu, eta altzariak fabrikatzen ditu mundu osoan zehar. Orain Oiartzunen dago bere egoitza, 50 langile ingururekin. Nadia Arratibel hirugarren belaunaldiko ordezkariak azaldu du konpainiaren lana elkarrizketa honetan.

Ondarreta erreferente bat da diseinuzko altzarien sektorean, eta aulkien fabrikazioan espezializatu dago.

Bob bildumaren aulkiak erreferente argia dira guretzat, Ondarretak urteetan zehar izan duen bilakaeraren barruan, enpresaren esentzia galdu gabe. Izan ere, gure esentzia materia nobleen, tokiko ekoizpenaren, naturaren forma organikoen eta taldearekiko errespetuan oinarritzen da, besteak beste. Zentzu horretan, Bob bilduma da ‘lifestyle’ kontzeptua lantzen den lehenbizikoa, non espazio harmoniatsuak sortzeko helburua dagoen, ez soilik produktuak.