Artolazabal Sailburuak gazteriarentzako gune zibikoen beharra azalduko du EBko Ministroen Kontseiluan

EAF53CB6-F1B4-D748-8F1E-DB7BF26DB32B.jpg

2021-11-26

  • Eusko Jaurlaritzak sei hilean behin garatzen duen ordezkaritzaren barruan
  • Azaroaren 29´an, astelehena, 15:00´etan, EB´ko Kontseiluaren egoitzan, Bruselan

 

VG-BRUX 2021 11 26

 Eusko Jaurlaritzako Berdintasuna, Justizia eta Gizarte Politiketako Sailburu Beatriz Artolazabalek Europar Batasuneko Hezkuntza, Gazteria, Kultura eta Kiroleko Ministroen Kontseiluan parte hartuko du azaroaren 29an, Bruselan, gazteentzako gizarte-guneei buruzko eztabaidan. Bigarren seihilekoan, Euskadik Estatuko Autonomia Erkidegoak eta Hiri Autonomoak ordezkatzen ditu Erkidegoko erakundearen aurrean, lan-taldeetan parte hartuz eta landutako gaien ondorioak hobetzeko iradokizunak eginez.

 2022 Gazteriaren Europako Urtea izango da, eta Erkidegoko erakundeak gizarte-arlo guztietan Europako gazteen presentzia eta iritzia bultzatzeko ekintzak eta estrategiak eztabaidatzen eta programatzen ari dira, Ursula Von der Leyen presidenteak Batasunaren egoerari buruzko eztabaidan gomendatu zuen bezala.

 Artolazabalek parte hartuko du, iaz enpleguaren arloan egin zuen bezala, Gazteentzako Gune Zibikoak nola mantendu daitezkeen eta agintarien babesa nola jaso daitekeen hainbat mailatan? eta Zer egin dezakete Agintaritza Publikoek jabetza pribatuko tresnek gazteen espazio zibikoetan sortzen duten inpaktuari buruzko hausnarketa sortzeko eta erronkei aurre egiteko ekintzak sustatzeko?

 Haren iritziak laburbilduko ditu hilabete hauetan zehar autonomia-erkidegoek egin eta Euskadik koordinatu dituen lanak eta proposamenak. Espainiako Ordezkaritza Iraunkorreko enbaxadoreak esku hartuko du Ione Belarra ministroaren ordez, eta hitza erabiltzeko denbora Justizia eta Gizarte Politiketako Sailburuarekin banatuko du.

 Esloveniako lehendakaritzapean, EBko Hezkuntza, Gazteria, Kultura eta Kirol ministroek bi egunez eztabaidatuko dute ikaskuntza mistoaren, hezkuntzaren eta gaitasun digitalen ikuspegiei buruz, gazteen partaidetza konstruktiboa erraztuko duten espazio zibikoei buruz, ikus-entzunezko edukien eta eduki mediatiko europarren eskuragarritasunari eta lehiakortasunari buruz eta Europako kirol-ereduari buruz.

 Esloveniako presidentetzak informazio eguneratua emango du COVID-19aren pandemiak hezkuntzan eta prestakuntzan, gazterian eta kirolean dituen ondorioei buruz. Frantziako ordezkaritzak hezkuntzaren, gazteriaren, kulturaren eta kirolaren arloan duen lan-programari buruzko informazioa emango du, 2022ko urtarriletik ekainera bitartean izango duen lehendakaritza-txandarako.