Nerea Ibarzabalek irabazi du 2021eko Bizkaiko Bertsolari Txapelketa
- DataAbenduak 20
- Gaia Arte eszenikoak
Buruz burukora iritsi da Jone Uria getxoztarrarekin batera, eta berak eramango du txapela Markinara. Atzetik geratu dira Etxahun Lekue, Xabat Galletebeitia, Onintza Enbeita, Aitor Bizkarra, Aitor Etxebarriazarraga eta Gorka Pagonabarraga.
Nerea Ibarzabalek irabazi du 2021eko Bizkaiko Bertsolari Txapelketako finala, Bilbao Arenan jokatutako finalean.
TXAPELA EMATEKO EKITALDIA, ZUZENEAN
Etxahun Lekueri, Aitor Bizkarra Ruizi, Aitor Etxebarriazarraga Gabiolari, Etxahun Lekue Etxebarriari, Gorka Pagonabarraga Agorriari, Jone Uria Albizuriri, Nerea Ibarzabal Salegiri, Onintza Enbeita Maguregiri eta Xabat Galletebeitia Abaroari gailendu zaie bertsolari markinarra.
Irabazlearekin batera Jone Uria getxoztarra iritsi da buruz burukora.
Horrela geratu da puntuazioa:
Nerea Ibarzabal Salegi: 874,5
Jone Uria Albizuri: 866
Etxahun Lekue Etxebarria: 520,5
Xabat Galletebeitia Abaroa: 507,5
Onintza Enbeita Maguregi: 489,5
Aitor Bizkarra Ruiz: 486
Aitor Etxebarriazarraga Gabiola: 484
Gorka Pagonabarraga Agorria: 464
Nerea Ibarzabalen amaierako agurra:
Gure etxeko andre guztiak
Nahi nituzke ohoratu
Egoerarik gogorrenetan
Ez direnak hondoratu
Bizikideei, bertsokideei
Bihotzetik bost olatu
Badago nondik jasoa eta
Badago zer geroratu
Muga, kartzela, harresi, ibai…
Galerak zelan kontatu
Merkantzientzat bideak libre
Ta pertsonak zokoratu
Baina itzarrik eusten gaituzten
Ideia horiei oratu
Hormak higatu daitezkeelako
Ta arrakalak loratu