Lakuako Gobernuak Ikus-entzunezko hedabideen Kontseilua sortzearen aurkako jarrera hartu izana salatu du Pantailak Euskaraz mugimenduak. Era berean, laguntzaile sare sendoa osatzera ekin dio «premiazko» ekimenak abian jartzeko.

Pantailak Euskaraz mugimenduak «larritzat» jo du EH Bilduk proposatutako Euskal Ikus-entzunezkoen Kontseiluaren Legea tramitatzeari Lakuako Gobernuak emandako ezetza.

Lakuako Gobernuak, Ikus-entzunezko hedabideen Kontseilua sortzearen aurkako jarrera azaltzeko, argudiatu zuen egon badaudela horretarako hiru foro, EITBren Administrazio Kontseilua, Eusko Legebiltzarreko EITBren inguruko kontrol batzordea eta kontratu-programaren kontrol batzordea.