Euskaltelek eta EiTBk Euskalteka sustatu dute, euskarazko ikus-entzunezko edukien plataforma «berri eta aitzindaria». Euskaraz sortutako edukiei eskuragarritasun eta irismen handiagoa ematea da Euskaltelen integratutako zerbitzu berriaren helburu nagusia.

Plataforma zabalik dago euskaraz ekoitzitako produktu gehiago bertara biltzeko, etorkizunean ikus-entzunezkoen arloan «erreferentziazko bideoteka» bihurtzeko helburuarekin.

Euskaltelek eta EiTBk Euskalteka aurkeztu zuten atzo Bilbon, euskarazko ikus-entzunezkoen plataforma «berri eta aitzindaria». Plataforma berri honek aukera eskainiko die Euskalteleko telebistako bezeroei mota guztietako euskarazko saioak eskura izateko, modu errazean.