La Audiencia de Álava ratifica las condenas por el yacimiento de Iruña Veleia
Eliseo Gil eta Ruben Cerdan zigortuek jarritako helegiteak baztertu dituzte. Argazkia: Efe.
- DataUrtarrilak 29
- Gaia Ondarea, Bestelakoak
Auzitegiak bi zigortuok aurkeztu zituzten helegiteak baztertu, eta akusazioak aurkeztu zuenaren zati bat onartu du: ondorioz, Eliseo Gili lehen instantzian jarritako zigorra handitu du.
Arabako Lurralde Auzitegiak ezetsi egin ditu Eliseo Gilek eta Ruben Cerdanek beren aurkako zigorraren aurrean jarritako helegiteak, Iruña-Veleiako aztarnategiko (Araba) faltsutzeen inguruko auzian. Are gehiago, Eliseo Gili jarritako isuna handitu du epaiak, ontzat hartu baitu Fiskaltzak eta Arabako Aldundiak, akusazioak, jarritako helegitearen zati bat.
Gasteizko zigor auziko 1 zenbakiko epaitegiak bi urte eta hiru hilabeteko espetxealdia ezarri zion urtarrilaren 10ean Eliseo Gili, Iruña-Veleiako aztarnategiko aurkikuntza faltsuen auzian iruzur delitu jarraitua eta dokumentuak faltsutzeko delitu jarraitua egin zituela frogatutzat emanda.
Epai horretan, Ruben Cerdan aurkikuntzen benetakotasuna frogatzen zuten txostenak idatzi zituen fisikari nuklearra ere zigortu zuten: urtebete eta hiru hilabeteko kartzela zigorra ezarri zioten, iruzur delitu jarraitua egiteagatik.