Donostiako Zinemaldian aurkeztu eben dokumentala, irailean.

Alfonso Etxegarai, 33 urtez Sao Tomé ugartean deportauta egon eta gero, Euskal Herrira bueltau da. Itzulera horren kronikea eta protagonistearen ingurukoakan eragindakoa dokumental baten batu dabe Josu Martinez eta Txaber Larreategi zinemagileek, Caminho Longe izenburupean. Donostiako Zinemaldian aurkeztu eben filma, 2020ko irailean, eta gaur, urtarrilak 22, zinema-aretoetako bidea hasiko dau. 

Bilbon (Multi), Donostian (Trueba), Gasteizen (Florida) eta Iruñean (Golem-Yamaguchi) ikusi ahal izango da dokumentala pantaila handian. Euskal Herritik kanpo, Bartzelonara be gaur helduko da. Ikusteko dago ze ibilbide egiten dauen aretoetan, ze pandemiagaz ezer gitxi aurreratu leiteke. Oraingoz, baina, Hego Euskal Herriko lau uriburuetan, behinik behin, proiektauko dabe.

Informazio osoa iturriaren webgunean irakurri