Itziar Ituño eta Josean Bengoetxea protagonistek eta Igor Legarreta zuzendariak otsailaren 19an estreinatzekoa den filmaren zertzelada zenbait eman dizkigute.

Hilabete barru, otsailaren 19an, estreinatuko da, dena ondo bidean (eta askotxo da, egun, hori esatea), “Ilargi guztiak”, Igor Legarreta zinemagilearen (Leioa, 1973) bigarren film luzea. Betiko bizitzera kondenatutako neskato baten (Haizea Carneros) inguruko alegia fantastikoa da, eta Itziar Ituño eta Josean Bengoetxea aktoreak ditu protagonista.

“Nire pertsonaia emakume misteriotsua da, haren izena ez da esaten pelikula osoan”, azaldu du Ituñok. “Ilunpetik datorren izaki bat da, betiko bizi dena. Egun batean, neskato bat ikusi, eta amatasuna piztuko zaio. Itzalpean bizi den emakume onbera iruditzen zait, triste samarra eta heriotzaren beldur dena benetan”.

Informazio osoa iturriaren webgunean irakurri