Tapia: "Gutxienekoen akordioak saihestu egiten du, gutxienez, akordiorik gabeko Brexit batekin gerta zitekeen kaosa eta deskontrola"

2020.eko abenduak 24

Arantxa Tapia Ekonomiaren Garapen, Jasangarritasun eta Ingurumen sailburuak Brexit-aren inguruan baieztatu berri den akordioa baloratu du gaur goizean.

Tapiaren esanetan, Brexit-a bideratzeko akordioa lortu izana "albiste ona da. Gutxienekoen akordio horrek saihestu egiten du, gutxienez, 2021era inolako itunik gabe iristeak ekarriko zukeen kaosa eta kontrolik eza. "

Tapiak gaineratu duenez, "Beharrezkoa da Brexit-a errealitate bat dela gogoratzea. Gertatu dela eta ez duela atzera bueltarik. Urtarrilaren 1etik aurrera Erresuma Batua ez da Europar Batasuneko kide, eta horrek, gutxienekoen akordio honekin ere, kalte ekonomiko eta sozial larriak eragingo dizkie bi aldeei, baina batez ere Erresuma Batuari berari ".

Ildo horretan, sailburuak bi mezu partekatu ditu:
1. Gure europeismoa berrestea. Gure arazo askoren konponbidea "Europa gehiago" da. Europar Batasuneko eta estatu kideetako politiken koordinazioa eta ekintza-batasuna indartu behar dira.
2. Trantsizio-garai honetan euskal enpresekin batera lanean jarraitzeko konpromiso irmoa, Brexit osteko errealitate berriaren egoera ekonomiko eta arauemaileetara egokitzen laguntzeko eta laguntzeko, bai eta harreman-esparru berri horrek eskain diezazkigukeen aukerak aprobetxatzeko ere.