Josu Erkoreka: "Ziur nago Hezkuntza sailburua solaskide guztiekin hitz egiten saiatuko dela greba bideratzen saiatzeko"

2020.eko irailak 09

Eusko Jaurlaritzako lehenengo lehendakariorde eta Segurtasuneko sailburu Josu Erkoreka elkarrizketatu dute, gaur goizean, Radio Euskadiko “Boulevard” saioan.

Gaur goizean Radio Euskadiri eskainitako elkarrizketan, Josu Erkoreka lehenengo Lehendakariorde eta Segurtasun sailburu adierazi du Jokin Bildarratz Hezkuntza sailburuak greba bideratzeko lanean jardungo duela. "Ziur nago Hezkuntza sailburua solaskide guztiekin hitz egiten saiatuko dela greba bideratzen saiatzeko", adierazi du. Gainera, eskola protokoloa eragile sozialekin negoziatzearen eskutik ukitu daitekeela azaldu du.

Bestalde, Gernikako Estatutuari buruz, Lehendakariordeak gogorarazi du lehen aldiz Gobernu Zentralaren konpromisoa eta hori betetzeko kronograma zehatza daudela. Erkorekak azaldu duenez, politikako gorabeherak izan dira hori betetzea eragotzi dutenak. "Orain ezerk ez du eragozten. Has gaitezen ", azpimarratu du.

Lehendakariordetzei buruz galdetuta, Josu Erkorekak azpimarratu du bi presidenteordetza sortzeak ez duela esan nahi egitura handituko denik. "Lan gehiago bai, baina gastu gehiago ez", gaineratu du. Halaber, lehendakariordetzak "ez dira berdinak eta ez dira gainjartzen", gaineratu du.

XII. Legegintzaldian gidatuko duen sailaren inguruan, Josu Erkorekak gizarte demokratiko aurreratu bat eraikitzeko prozesuan segurtasunak duen garrantzia azpimarratu du. "Segurtasunik gabe pentsaezina da gizarte demokratiko aurreratu bat. Segurtasunaren erronka erronka partekatua da, eta polizia autonomiko osoa eta gizarte demokratiko bat eraikitzeko konpromisoarekin lotura duten sektore guztiak inplikatu behar dira ", adierazi du.

Gainera, Segurtasuneko sailburuak adierazi du espetxe-politika aldatzeko beharra dagoela. "Preso dauden pertsonek ez dituzte eskubide guztiak. Lan egin behar da gizarteratze eskubideak eta familia bizitzaren eskubideak ahalik eta duintasun handienarekin gauzatzen jarrai dezaten ", adierazi du Erkorekak. Horretarako, datozen hilabeteetan neurri gehiago hartu beharko direla azpimarratu du.

Koronabirusari aurre egiteko txertoari dagokionez, Josu Erkoreka lehendakariordeak aitortu du txerto fidagarri bat lehen bait lehen izatea gustatuko litzaiokela, baina badaki hori lortzea ez dela erraza izango. Hala ere, bitartean egoera ahalik eta modu eraginkorrenean kudeatzen jarraituko dutela ziurtatu du.