Funtsezko oinarrizko zerbitzuetako langileentzako ostatuak
2020.eko martxoak 31
- Funtsezko zerbitzuetarako ostatu-establezimenduen sarea aldian behin eguneratuko da premia eta egoera berrietara egokitzeko.
- Turismo Sailak eskerrak eman nahi dizkie euren borondatez ezinbesteko zerbitzuetako langileak hartzeko prest agertu diren hotel guztiei, instalazioak irekita mantentzeko egindako ahaleginagatik eta krisialdi honetan horietako langileek egiten duten lanagatik eta erakusten duten elkartasunagatik.
Garraio, Mugikortasun eta Hiri Agenda Ministerioak TMA/277/2020 Aginduko eranskinaren aldaketa argitaratu du, funtsezko oinarrizko zerbitzuetako langileei ostatu emateko establezimenduen zerrenda eguneratzeko.
Aldaketa horretan (TMA/305/2020) gogora ekartzen da ezinbesteko oinarrizko zerbitzuetako langileak direla, besteak beste, sanitarioak, garraiolariak, garbiketa eta desinfekzio taldeak, telekomunikazioetako operadoreak, trenbide eta garraioetakoak, arrantza-ontzietako tripulazioak eta salbamenduko jarduerak. (TMA/277).
Ostatu-establezimenduen sare horrekin nolabait ere bermatu nahi da hornikuntza ziurtatzeko mugitu beharra duten eta funtsezko zerbitzuak ematen dituzten langileek beharrezko dituzten ostatua eta otorduak izango dituztela.
Gogora ekarri behar da irekita dauden establezimendu guztiek emango dutela jatetxe-zerbitzua, bai eta ostatu-zerbitzua emateko gaituta daudenean zerbitzu hori behar bezala emateko beharrezkoak diren gainerako guztiak ere. Horretarako, Turismoaren sektoreko establezimendu eta langileentzako jardunbide egokien gidak eta Turismo, Merkataritza eta Kontsumo Sailaren sektoreko protokolo espezifikoek jasotako babes neurriak jarraitu beharko dituzte.
Turismo Sailak eskerrak eman nahi dizkie euren borondatez ezinbesteko zerbitzuetako langileak hartzeko prest agertu diren hotel guztiei, instalazioak irekita mantentzeko egindako ahaleginagatik, ERTEak edo erabateko ixteak etenda, bai eta horietako langileei ere euren arduragatik.
Sonia Pérez Ezquerra Turismo, Merkataritza eta Kontsumoko sailburuak nabarmendu duenez, “Covid19ren aurkako borroka bezalako egoeratan geratzen da agerian besteen zerbitzura jartzeko lan egiten dutenen balioa. Behar-beharrezko produktuen saltokiei egiten ari diren lana eskertu diegun bezala, ezin gara krisialdi honetan zerbitzua ematen jarraitzea erabaki duten ostalariez ahaztu. Horien laguntzarik gabe gainerako herritarrek ezingo lituzkete beste batzuek ematen dituzten oinarrizko zerbitzuak jaso”.
Argitaratutako zerrendakoez gainera, Gasteizko Hotel Ruta Europa eta Urnietako HK10 Hotela ere zerbitzu horretan sartu dira. Zerrenda aldian behin eguneratuko da egoera eta premien arabera.
https://www.mincotur.gob.es/es-es/COVID-19/Paginas/Mapa-Hoteles.aspx
Euskadin funtsezko oinarrizko zerbitzutzat hartutako turismo-ostatuak
ARABA
Irenaz Apartamentuak
Vitoria-Gasteiz
Divan Apartamentuak
Vitoria-Gasteiz
Hito Hotela
Vitoria-Gasteiz
Florida kalea, 11
Gran Hotel Lakua
Vitoria-Gasteiz
BIZKAIA
Ariz Hostala
Basauri
Abba Suites Bilbao City Center
Bilbo
Santiago Turismo Apartamentuak
Bilbo
Gran Hotel Domine
Bilbo
NIX Hotel Bilbao
Bilbo
Bilbao Centric Apartment 1
Bilbo
Arriaga Hotela
Bilbo
Pensión de la Fuente
Bilbo
Boliña Hotela
Gernika-Lumo
Palacio Urgoiti Hotela
Mungia
Mugarri Apartamentuak
Muskiz
La Arena Apartamentuak
Zierbena
GIPUZKOA
Astigarraga Pentsioa
Astigarraga
Pagorriaga Landetxea
Beasain
Eguskitza Landetxea
Elgeta
Gorosarri Landetxea
Eskoriatza
Iribar Pentsioa
Getaria
Arrobi Ostatua
Hernani
Hotel Alcázar Irún Centro Ciudad
Irun
Mauleon Hotela
Legazpi
Endara Landetxea
Lezo
Pikua Landetxea
Mutriku
Zumeltzegi Dorrea Hotela
Oñati
Legazpi Pentsioa
Donostia
Atotxa Rooms
Donostia
Arrizul Beach Hotela
Donostia
Distrito Oeste Hotela
Donostia
Irenaz Apartamentuak
Donostia
Atxega Jaureguia Hotela
Usurbil
Museum Zarautz Apartamentuak
Zarautz
Lazkano-Enea
Zarautz