Euskadik bermatuta dauka 2021eko martxora arte COVID19-ari aurre egiteko 80 milioi eurotan baloratuta dagoen materialaren erreserba estrategikoa
2020.eko urriak 14
Lehendakariak Boroako Gune Logistikoa bisitatu du. Bertan COVID19ari aurre egiteko materialaren stock estrategikoa biltegiratuta dago
Erreserba estrategiko horretako materialen bolumen nagusiak hauek dira: 5 milioi mantal; eraginkortasun handiko 3 milioi maskara; 20 milioi maskara kirurgiko; eta 100 milioi eskularru, besteak beste
Osasun sailburu Gotzone Sagardui aldamenean zuela, Iñigo Urkullu lehendakariak Amorebieta-Etxanon dagoen Boroako gune Logistikoko instalazioak bisitatu ditu gaur goizean. Bertan gordetzen da Eusko Jaurlaritzak, foru-aldundiek eta Eudelek adostutako COVID19ri aurre egiteko erreserba estrategikoa. Hala, lehendakariaren hitzetan, Euskadik bermatuta dauka produktu horien erreserba 2021eko martxoaren 31ra arte.
Lehendakariak azaldu duenez, aurtengo martxoan, Dachser enpresaren eskutik, abian jarritako gune logistikoak “funtsezko eginkizuna” bete du pandemiaren unerik larrienetan. “Gaur egun hemen antolatzen da Euskadiko funtsezko esparru guztiei hornitzeko eta haietan banatzeko estrategia berria”, gaineratu du. Boroan jasota dago datorren urteko martxora arte pandemiari aurre egiteko behar diren hogei bat materialetako nahikoa kantitate. Bertan bilduta dagoen materialak 80 milioi euroko balioa du.
Lehendakariaren arabera, stock hori sortzea erakundeen arteko lankidetzaren adibide bat da. Euskal erakundeek, berragertzeak gerta zitezkeela aurreikusiz erreserba estrategiko hori diseinatzen lan egin dute COVID19aren eraginez sortutako premia berriei modu eraginkorrenean erantzuteko eta funtsezko pertsonalaren segurtasuna bermatzeko.
Jakinarazi duenez, toki honetatik 700 puntu baino gehiagotara banatzen da materiala. Puntu horien artean Euskadi osoko udal-zerbitzuak, egoitzak, osasun-zentroak, ospitaleak eta sare publikoko ikastetxeak daude.
Halaber, bai instalazio horretako bai Osakidetzako eta Osasun Saileko profesional guztien konpromisoa eskertu du, eta Eusko Jaurlaritzaren lehentasuna profesionalen segurtasuna zaintzea eta bermatzea dela gaineratu du. “Mila esker guztiei helburu hori lortzeko egin duzuen eta egiten ari zareten ahaleginagatik”, esan du amaitzeko.
GUNE LOGISTIKOA — MATERIALAREN ERRESERBA ESTRATEGIKOA
Pandemia hasi zenetik, materialaren beharra bikoiztu egin zen, ez Euskadin bakarrik baita mundu osoan ere.
Aurtengo urtarriletik maiatzera bitartean, 2019ko epe berarekin alderatuz, Osakidetzak eraginkortasun handiko maskaren kontsumoa 18 aldiz handitu zuen (22.000 erabiltzetik 415.000 erabiltzera pasatu ziren); eraginkortasun handiko eskularruen kontsumoa 26 aldiz handitu zen, 58.000 erabiltzetik 1.500.000 erabiltzera pasatuz. Gauza bera gertatu da baten, gel hidroalkoholikoaren, babes-betaurrekoen eta buzoen kontsumoarekin. Zailtasunak zailtasun, epe horretan Osakidetzak material ugari erosi zuen kontsumo-premia horiei aurre egin ahal izateko.Testuinguru horretan, martxoan gune hau jarri zuten martxan, material guztia modu eraginkorrean jasotzeko, biltegiratzeko eta banatzeko.
Gerora, euskal erakundeek elkarrekin lan egin dute pandemian zehar eta materiala banatzeko garaian sortutako premia berriei aurre egiteko behar ziren kantitateak finkatzeko. Hala, premiak kontuan hartuz, hogei bat materialen “stock” edo erreserba estrategikoa sortu da.
Erreserba estrategiko horretako materialen bolumen nagusiak hauek dira:
- 5 milioi bata;
- eraginkortasun handiko 3 milioi maskara;
- 20 milioi maskara kirurgiko; eta
- 100 milioi eskularru,
Gainera, gune honek, beste hainbat materialen artean, buzoak, betaurrekoak babes-pantailak eta gel hidroalkoholikoak biltegiratu eta banatuko ditu.
EUSKAL SEKTORE PUBLIKOAREN GUZTIZKO ERRESERBA ESTRATEGIKOA
|
Produktua |
Beharrak guztira |
|
Behin erabiltzeko bata iragazgaitzak |
2.932.329,82 |
|
Bata iragazgaitz berrerabilgarriak |
88.886,00 |
|
Behin erabiltzeko TNT batak |
1.495.422,36 |
|
TNT bata berrerabilgarriak |
74.324,00 |
|
Bata kirurgiko esterilak |
159.600,00 |
|
Babes-buzoak |
194.938 |
|
FP2 maskarak |
2.806.152 |
|
FP3 maskarak |
906.059 |
|
IIR maskarak |
20.814.445 |
|
Nitrilozko eskularruak |
89.827.140 |
|
Binilozko eskularruak |
18.190.012 |
|
Aurpegirako babes-pantailak |
66.233,00 |
|
Begitarako babes-betaurrekoak |
27.690 |
|
Amantalak |
1.881.825 |
|
Txanoak |
2.269.267 |
|
Oinetako-babesak (oinetako-estalkiak) |
2.734.688 |
|
Mahukak (mahuka-estalkiak) |
2.277.115 |
|
Gel hidroalkoholikoa (litroak) |
228.759 |
**Estaldura 8 asteko eperako
Boroa, 2020ko urriaren 14a
