EAEko Auzitegi Nagusiak eta Eusko Jaurlaritzako Lan eta Justizia Sailak ordua eskatzeko zerbitzu telematikoa jarriko dute abian

2020.eko apirilak 27

  • Ez bakarrik ordezkari prozesalei zuzendua, baita munta txikiko auzitarako lan-arloko jurisdikzioan edo jurisdikzio zibilean demanda jarri nahi duten partikularrei ere

Gaurtik aurrera, Euskal Autonomia Erkidegoko Auzitegi Nagusiak eta Eusko Jaurlaritzako Lan eta Justizia Sailak Euskal Autonomia Erkidegoko epaitegietan zuzeneko hitzorduen erreserba-zerbitzua jarriko dute martxan, prozedura judizialak hasteko idazkiak aurkezteko helburuarekin, ez soilik profesionalentzat, baita partikularrentzat ere, hala gerta daitezkeen kasuetan.

Dokumentazioa zein egunetan, zein ordutan eta zein epaitegitan aurkeztuko den telematikoki aukeratzea ahalbidetzen duen prozedura judizialak hasteko idazkiak jasotzeko modu berri horretaz gain, ordua eskatu beharrik gabe aurrezten jarraitu ahal izango duten funtsezko eta premiazko zerbitzuekin eta zerbitzu atzeraezinekin lotutako idazkiak aurkezteko jada existitzen den moduak ere funtzionatuko du.

Tresna berri horren beste abantaila bat da, ordua eskatzeko sistemaren bidez, prozedura hasteko eskaera ez dutela prozesuko ordezkariek bakarrik egin ahal izango, baita lan-arloko jurisdikzioan edo jurisdikzio zibilean demanda aurkeztu nahi dutenek ere, baldin eta azken kasu horretan zenbatekoa 2.000 eurotik gorakoa ez bada.

Ordua eskatzeko modu hori honako esteka honetan aurkituko dugu:

https://www.euskadi.eus/web01-citajust/es/aa14aUIWar/justizia/aa14aInit.jsp?lang=es